«Bul jalpy halyq erekshe kútetin mereıli kún. «Tarydaı bolyp kirip, taýdaı bolyp shyǵatyn» altyn uıa mektepterimiz jańa oqý jylyn bastaıdy. Dál osy kúni adamdardyń jeke tulǵa, sanaly azamat retinde qalyptasý úderisi bastalady.
Halqymyzda «Aqyl – tozbaıtyn ton, bilim – taýsylmaıtyn ken» degen támsil bar. Babalarymyz tal besikten jer besikke deıin ilim izdeýdi amanattap ketken. Sondyqtan bilim salasyn damytýǵa memleket tarapynan úlken qoldaý jasalýda.
Táýelsizdik jyldary memleketimizde bilim berýdiń jańa ınnovasııalyq damý júıesi qalyptasty. Álemdik standarttarǵa saı bilim berý – elimizdiń negizgi kapıtalyna aınaldy. Sońǵy jıyrma jylda Elordada júzdegen jańa mektep pen mektepke deıingi balalar mekemesi paıdalanýǵa berildi. Osynyń bárin el erteńi, ult bolashaǵy – jastarǵa jasalǵan qamqorlyq dep túsiný kerek. Elordalyq oqýshylar álemdik bilim dodalarynda oza shaýyp, el namysyn abyroı men qorǵap júr. Bul da bolsa, baǵytymyzdyń aıqyn, nátıjeli ekenin aıǵaqtaıdy», degen ol bilimdi jastar kóp bolsyn dep tilektestigin bildirdi.
