Rejep Taııp Erdoǵan Nursultan Nazarbaevty Qurban aıt merekesimen quttyqtady, oǵan zor densaýlyq pen tabys tilep, Qazaqstan halqynyń ósip-órkendeýine nıettestik bildirdi.
Memleketter basshylary áńgime barysynda ekijaqty yntymaqtastyqtyń jaǵdaıy men perspektıvalaryna, sondaı-aq Túrkııa Respýblıkasy Prezıdentiniń Astanaǵa bıylǵy 9 qyrkúıektegi resmı saparyna qatysty máselelerdi talqylady.
Sonymen qatar, eki el kóshbasshylary bıylǵy 10-11 qyrkúıekte Astanada Islam yntymaqtastyǵy uıymynyń ǵylym jáne tehnologııalar jónindegi birinshi sammıtin ótkizý máseleleri týraly pikir almasty.
Prezıdentter Qazaqstan-Túrkııa qarym-qatynastaryn keń aýqymdy baǵyttar boıynsha odan ári nyǵaıtý úshin syndarly dıalogty jalǵastyrýǵa ýaǵdalasty. Telefon arqyly sóılesýge Túrkııa jaǵy bastamashy boldy.
