Búgin EKSPO-2017 halyqaralyq mamandandyrylǵan kórme aıasynda Gvatemala Respýblıkasynyń Ulttyq kúni atap ótildi. Gvatemala Latyn Amerıka aýmaǵyndaǵy memleketter arasynda elektr energııa óndirisi ortalyǵy bolyp tabylady. Bul týraly is-shara barysynda Syrtqy ister mınıstrliginiń kópjaqty jáne ekonomıkalyq halyqaralyq qatynas jónindegi Bas dırektordyń orynbasary Karlos Kazalı málimdedi. Onyń aıtýynsha, EKSPO-2017 kórmesi halyqtarǵa «Bolashaq energııasyn» óndirý jáne damytý úshin shyǵarmashylyq jáne ınnovasııalyq tujyrymdamalaryn qoldanýǵa tamasha múmkindik beredi.
«Gvatemala - jańartylatyn energııa kózderin damytý ıdeıalary men jobalaryn kórsetý arqyly Astanadaǵy Kórmeniń taqyrybyn damytýǵa úles qosatyn elderdiń biri. Tabıǵı resýrstardyń alýan túrliligi arqasynda, Gvatemalanyń EKSPO-2017 kórmesine qatysýy bizdiń energetıkalyq salaǵa tikeleı sheteldik ınvestısııalardy tartýǵa múmkindikter berdi. Kórshiles elderdi, sondaı-aq búkil sý elektr stansııalardy sýmen qamtamasyz etetin negizgi resýrs – memlekettegi ózender. Gvatemalanyń Tynyq muhıty jaǵalaýyndaǵy aımaqta qant quraǵy plantasııalary ornalasqan, olar sonymen qatar, bıomassa energııasyn óndirý resýrstardyń biri », dep atap ótti Karlos Kazalı.
Qazaqstan Respýblıkasy Densaýlyq saqtaý vıse-mınıstri Alekseı Soı óz kezeginde Kórmeniń taqyryby kezdeısoq tańdalmaǵandyǵyn, «Bolashaq energııasy» Qazaqstannyń 2050 jylǵa qaraı jańartylatyn energııa kózderine kóshý maqsatyn kórsetetinin habarlady.
«Qazaqstan Gvatemalamen saıası, ekonomıkalyq, ǵylymı, tehnologııalyq jáne mádenı, sondaı-aq balamaly energııa kózderi salasynda yntymaqtastyqty nyǵaıtýǵa múddeli. Gvatemala Respýblıkasynyń Ulttyq kúni eki memleket arasynda ózara tıimdi eki jaqty qatynasty nyǵaıtýǵa jańa múmkindikter beretinine kámil senemin», - dep qorytyndylady Densaýlyq vıse-mınıstri.
Jańartaýymen tanymal Gvatemala energııanyń 61% jańartylatyn energııa kózderinen óndiredi. Memleket energııasynyń basym bóligin sý energetıkasy quraıdy. Energııanyń 57% úlesi sý elektr stansııalarynda alynady. Sonymen qatar, elde kún, jel energııasy men bıomassa óndiriledi.
EKSPO-2017 kórmesiniń Latyn Amerıka plazasynda 8 memleket usynylǵan, onyń ishinde Gvatemala Respýblıkasy erekshe oryndy alady. Pavılon ekspozısııalary Kórme kelýshilerin memlekettegi jańa tehnologııalarymen, sondaı-aq Latyn Amerıka eliniń mádenıeti jáne tarıhymen tanystyrady.
