Memleket basshysyna Komıssııanyń jańa Konstıtýsııa jobasy boıynsha buǵan deıin atqarǵan jumysy týraly málimet berildi.
Elvıra Ázimova halyq qaraýyna usynylǵan jańa Ata Zań jobasy jóninde baıandady. Onyń aıtýynsha, eGov jáne e-Otinish portalyna jurtshylyq tarapynan kelip túsken oı-pikirler sany 4 myńnan asqan. Azamattar jobany búgingi talap-tilekter men qoǵam múddesine saı keledi dep tanıdy. Saıası partııalar, respýblıkalyq jáne óńirlik qoǵamdyq uıymdar jańa Konstıtýsııa jobasyna qoldaý bildirdi.
Prezıdent Konstıtýsııalyq komıssııa jumysy ashyq formatta jalǵasa berýge tıis ekenin atap ótti. Bul azamattardyń talqylaý barysynan habardar bolyp, joba mazmunymen egjeı-tegjeıli tanysýyna múmkindik beredi.
Qasym-Jomart Toqaev sarapshylar men qoǵam ókilderi joldaǵan usynystardyń barlyǵyn jiti taldaýdy tapsyrdy.
Elvıra Ázimova Konstıtýsııalyq komıssııa músheleri jańa Konstıtýsııa jobasynyń jekelegen baptary men tarmaqtaryn redaksııalap jatqanyn aıtty. Komıssııanyń kezekti otyrystary erteń, ıaǵnı 7 aqpanda jáne kelesi aptada ótedi.
