Shırek fınalda eki qazaq balýany Aıbek Nuǵymarov pen Elaman Erǵalıev beldesip, kezdesýdiń alǵashqy úsh mınýtynda Elman jambas upaıymen jeńip jatqan bolatyn. Alaıda, kúrestiń sońǵy mınýtynda Aıbek ádis jasap, jartylaı jeńis upaıymen jeńisti julyp aldy. Sóıtip, 2013 jylǵy «Qazaqstan barysy» Aıbek Nuǵymarov «Álem barysynyń» jartylaı fınalyna shyqty.
¼ fınaldyń ekinshi Mońǵolııa atynan synǵa túsip jatqan qazaq balýany Serik Berdimurat pen grýzııalyq Tentore Masmanıdıs negizgi ýaqytta bir-birin jeńe almady. Al qoıan-qoltyq beldesýde mońǵol balýany jeńiske jetti.
Úshinshi shırek fınaldyq beldesýde Erjan Shynkeev armenııalyq Akob Arakelıannan bir jartylaı jeńis jáne bir jambas upaımen basym tústi. Erjan jartylaı fınalda grýzın balýany Gýram Týshıshvılımen fınaldyq beldesýdi sarapqa salady. Gýram shırek fınalda reseılik Rýstem Arslanovty alyp jyqqan bolatyn.
