Taýar aınalymy 5 mlrd dollarǵa jetedi
Qazaqstan Prezıdenti Nursultan Nazarbaev eki memleket arasyndaǵy taýar aınalymy 2020 jylǵa deıin 5 mlrd dollarǵa jetetinin aıtty. «О́zbekstannyń keıbir ımporttalatyn taýarlarǵa aksızderdi tómendetýi saýda yntymaqtastyǵyn arttyrýǵa oń áser etkeni anyq. Osy jyldyń alǵashqy 7 aıynda eki el arasyndaǵy saýda aınalymy 35 paıyzǵa artqan. Bul jaqsy nátıje», dedi Nursultan Nazarbaev. Onyń aıtýynsha, 2020 jylǵa qaraı taýar aınalymy 5 mlrd dollarǵa kóteriledi. Sonymen qatar, birlesip atqarylatyn iri ınvestısııalyq jobalar da memleketter arasyndaǵy ynymaqtastyq baılanysqa oń yqpal etedi dep josparlanýda.
Byltyrǵy jyldyń nátıjesi boıynsha eki el arasyndaǵy taýar aınalymy 1,5 mlrd dollar boldy. Bıylǵy jyldyń alǵashqy 7 aıynda bul kórsetkish ótken jyldyń osy aralyǵymen salystyrǵanda 11,4 paıyzǵa artyp, 953 mln dollardy qurady.
Esterińizge sala ketsek, Qazaqstan – О́zbekstannyń eń iri saýda-ekonomıkalyq seriktesi. Búgingi tańda О́zbekstanda qazaqstandyq kapıtal negizinde kóptegen kásiporyn jumys isteıdi. Al Qazaqstanda О́zbekstanmen birlesip ashylǵan kásiporyndar da mol.
«Ekijaqty yqpaldastyqtyń jańa kezeńi»
Qazaqstan Prezıdenti Nursultan Nazarbaev О́zbekstanǵa sapary barysynda birqatar tarıhı eskertkishterdi aralap bolǵan soń BAQ ókilderine eki memleket arasyndaǵy yntymaqtastyqtyń jańa kezeńi bastalǵany týraly málimdedi. Sonymen qatar, Nursultan Nazarbaev О́zbekstannyń birinshi Prezıdenti Islam Karımovtiń rezıdensııasy bolǵan Oksaraıǵa baryp, memleket qaıratkeriniń eskertkishine gúl shoqtaryn qoıdy.
О́zbekstanǵa kelgen joǵary mártebeli qonaq úshin qurmet qaraýyly uıymdastyryldy.
Qazaqstanda 2018 jyl О́zbekstan jyly dep jarııalandy
Qazaqstan Respýblıkasynyń Prezıdenti Nursultan Nazarbaev О́zbekstan Prezıdentimen ótkizgen brıfıng barysynda kelesi jyl Qazaqstandaǵy О́zbekstan jyly dep jarııalanǵanyn aıtty.
«Memleketterimizdiń arasyndaǵy dostyq qarym-qatynasta mádenı-gýmanıtarlyq baılanystyń róli zor. Biz 2018 jyly Qazaqstandaǵy О́zbekstan jylyn ótkizý týraly kelistik. Sonyń aıasynda túrli sharalar uıymdastyrylyp, baýyrlastyǵymyz arta túsetin bolady», dedi Nursultan Nazarbaev. Al 2019 jyly О́zbekstandaǵy Qazaqstan jyly ótedi.
Mádenı-gýmanıtarlyq baǵyttyń eki el arasynda mańyzy zor. Buǵan ásirese О́zbekstanda turatyn etnostyq qazaqtar kóp eńbek sińirdi. Sonymen qatar, О́zbekstan Jazýshylar odaǵynyń janynda Qazaq ádebıeti keńesi bar. Sońǵy jyldary qazaq qalamgerleriniń 50-den astam kitaby jaryq kórdi. Elimizde respýblıkalyq mańyzy bar «Nurly jol» atty gazet te shyǵarylady. Al Qazaqstanda ózbek sýretshileriniń kórmeleri men teatr ujymdarynyń qoıylymdary jıi uıymdastyrylady.
Prezıdentter bir jylda alty ret kezdesti
Qazaqstan Prezıdenti Nursultan Nazarbaevtyń О́zbekstanǵa sapary barysynda ótkizilgen brıfıng kezinde Prezıdent Shavkat Mırzııoev Nazarbaevpen altynshy ret kezdesip otyrǵanyn aıtty.
«Erekshe atap ótkim keletini, osy jyl ishinde men Qazaqstan Prezıdentimen altynshy ret kezdesip otyrmyn. Bul eki el arasyndaǵy yntymaqtastyq tarıhynda bolmaǵan oqıǵa deýge bolady», dedi Mırzııoev.
Kezdesý barysynda Mırzııoev qazaqstandyq áriptesin «El-ıýrt Hýrmatı» ordenimen marapattady.
«Nursultan Nazarbaev – álemdik deńgeıdegi memlekettik jáne saıası qaıratker. Táýelsiz Qazaqstannyń negizin qalaýshy. Qazaqstan Nazarbaevtyń basqarýymen halyqaralyq qaýymdastyqta óziniń ornyn taýyp, qarqyndy damyp jatqan demokratııalyq memleketke aınaldy. Nazarbaevtyń arqasynda ózbek pen qazaq eliniń arasynda baýyrlastyq qarym-qatynas pen dostyq kópiri ornady. Sonyń negizinde búgingi tańda memleketterimiz arasynda jemisti yntymaqtastyq ornaǵan», delingen Shavkat Mırzııoevtiń marapat týraly Jarlyǵynda.
Mańyzdy bıznes-forým ótti
15-17 qyrkúıek kúnderi О́zbekstan kórme ortalyǵynda Qazaqstannyń ulttyq óndiristik kórmesi men О́zbekstan-Qazaqstan bıznes-forýmy ótti. 550 sharshy metr kórme alańynda Qazaqstannyń 50 kompanııasy óziniń áskerı tehnıkasyn, avtokólik qurastyrý júıesi men avıasııalyq, farmasevtıkalyq, qurylys, tekstıl ónimderin tanystyrdy. Uıymdastyrýshylardyń aıtýynsha, kórme men forým Qazaqstan Prezıdentiniń О́zbekstanǵa sapary aıasynda arnaıy uıymdastyrylyp otyr. Forýmǵa eki memlekettiń 500-den astam bıznes qaýymdastyq ókilderi qatysty.
