Sot málimetinshe, 2024-2025 jyldary Aıagóz qalasynyń turǵyny áleýmettik jaǵynan osal adamdardy izdegen. Ol olardyń senimine kirip, aldap, psıhologııalyq qysym kórsetken. Jumysqa ornalastyramyn degen syltaýmen olardy sharýa qojalyqtaryna jiberip, sol úshin berilgen aldyn ala tólemderdi ózine alyp otyrǵan. Is boıynsha bes alaıaqtyq anyqtalǵan.
Jábirlenýshiler aıyptalýshymen Semeı qalasynda, vokzal men bazar mańynda tanysqan. Tanysý kezinde olar mas kúıde bolǵan jáne áıeldiń jumys taýyp beremin degen ýádesine sengen. Keıbir jaǵdaılarda aıyptalýshy olardyń qozǵalý erkindigin shektep, qorqytyp, psıhologııalyq qysym kórsetip, ishimdik ishkizgen.
20,9 mln teńge tabys: Zańsyz oıyn bıznesin uıymdastyrǵan Saryaǵash turǵyny sottaldy
Aldyn ala kelisim boıynsha sharýa qojalyqtarynyń basshylary áıeldiń jeke esepshotyna 100 myńnan 400 myń teńgege deıin aqsha aýdaryp otyrǵan.
Aıyptalýshy óz kinásin tolyq moıyndap, jasaǵan isine ókinetinin bildirdi, keltirilgen shyǵyndy ótegenin jáne jábirlenýshilermen tatýlasqanyn aıtty. Jábirlenýshiler de ony keshirgenderin aıtyp, bas bostandyǵynan aıyrmaýdy suraǵan.
Jeńildetetin mán-jaılar retinde:
- kinásin tolyq moıyndaýy
- ókinýi
- shyǵyndy óteýi
- jábirlenýshilermen tatýlasýy
- jasy
- «Kúmis alqa» nagradasynyń bolýy
eskerildi. Aýyrlatatyn mán-jaılar anyqtalmaǵan.
Sot úkimimen aıyptalýshy kináli dep tanylyp, oǵan ortasha qaýipsizdik mekemesinde óteý úshin 6 jyl bas bostandyǵynan aıyrý jazasy taǵaıyndaldy.
Oblystyq sottyń qylmystyq ister jónindegi sot alqasy úkimdi ózgerissiz qaldyrdy. Úkim zańdy kúshine endi.
