Onyń aıtýynsha, sońǵy ýaqytta jıi kezdesetindeı, jańa Konstıtýsııanyń 28-baby týraly alyp qashpa áńgimeler júr.
Adamdar túrli nárselerdi tym týra maǵynada túsindirýge beıim, sodan keıin zańgerlermen keńesýge nemese ınternetten tereńirek aqparat izdeýge tyryspaı-aq, ony tarata beredi.
«Másele «odan shyǵaryp jiberýge jol berilmeıdi» degen norma týraly bolyp otyr. Jeli qoldanýshylary muny birjaqty túsinip, jalǵa alýshylar jaldaý aqysyn tólemese de, eshkim olardy shyǵara almaıdy degen qorytyndyǵa kelgen. Bul qaýeset jelide keń taraǵan.
Aıta ketý kerek, kóptegen konstıtýsııalyq normalar jalpy qaǵıdattardy bildiredi, al olar «Turǵyn úı qatynastary týraly» zańda, Azamattyq kodekste jáne basqa da zańdarda naqtylanyp túsindiriledi. Jańa Konstıtýsııada kórsetilgen turǵyn úıge qatysty norma shyn máninde 1997 jyldan beri zańdarda bar», dep túsindirdi ol.
Keshe Ádilet mınıstrligi egjeı-tegjeıli túsindirme jarııalady:
«Turǵyn úı ıesi óz múlkin ıelený jáne oǵan bılik etý quqyǵyna basymdyqpen ıe, sonyń ishinde ony bosatýdy talap etýge quqyly. Mysaly, eger jalǵa alýshy shart talaptaryn buzsa, jaldaý aqysyn tólemese, tólem merzimderin keshiktirse nemese múlikke zııan keltirse, onda menshik ıesi shartty buzýǵa jáne turǵyn úıdi bosatýdy talap etýge tolyq quqyly.
Zań menshik ıesine artyqshylyq beredi, ol shartta josyqsyz jalǵa alýshylardy shyǵarý sebepterin ózi belgileı alady. О́z kezeginde zań jalǵa alýshy óz mindettemelerin oryndamaǵan jaǵdaıda, májbúrlep shyǵarý úshin sot arqyly qaraý tetigin qamtamasyz etedi. Sondyqtan shart taraptary jaldaý sharttarynyń talaptaryna muqııat qaraýy qajet».
Qarapaıym tilmen túsindirsek, «shyǵaryp jiberý» týraly norma, birinshiden, turǵyn úı ıesiniń múddelerin, sonyń ishinde qurylys salýshylardyń, jergilikti bılik organdarynyń nemese sot oryndaýshylarynyń ozbyrlyǵynan qorǵaıdy, al ekinshiden, jalǵa alýshynyń múddesin – jalǵa berýshiniń ozbyrlyǵynan qorǵaıdy.
Bul norma azamattardyń quqyqtary men mindetteriniń tepe-teńdigin qamtamasyz etýge baǵyttalǵan, al bóten turǵyn úıde tegin ári jaýapkershiliksiz turý quqyǵyn bermeıdi.
Ádilet mınıstrligi: Jańa Konstıtýsııa turǵyn úı ıeleri quqyqtarynyń basymdyǵyn saqtaıdy
Konstıtýsııa menshik quqyǵyn qorǵaýdy naqty aıqyndaıdy.
Iаǵnı, qaýesetter men alyp-qashpa áńgimelerge qaramastan, jańa Konstıtýsııa eń aldymen jeke menshik ıesiniń quqyqtaryn, sonyń ishinde qoǵam úshin asa mańyzdy turǵyn úıge degen quqyqty qorǵaıdy.
Jańa Konstıtýsııa – jastardyń el damýyna naqty yqpal etý kezeńin bastaıdy
