Elbasy aldymen «Kóne Taraz» tarıhı-mádenı kesheninen boı kótergen Dostyq úıi ǵımaratyna bardy. Onda Memleket basshysy Jambyl oblystyq QHA ókilderimen júzdesti.
Dostyq úıi oblystaǵy etnos ókilderin bir ortaǵa biriktirgen kıeli shańyraq bolyp sanalady. Sáýletti ǵımaratty salýǵa memleket qazynasynan 1 mıllıard 277 mıllıon teńge bólinip, maqsatty ıgerildi. Búgingi tańda oblys assambleıasynyń quramynda 175 qoǵamdyq kelisim keńesteri, 27 analar keńesi, 12 medıasııa kabıneti, 12 aqsaqaldar keńesi, Qazaqstan halqy Assambleıasynyń kafedrasy, ǵylymı-saraptamalyq top, qolóner sheberleriniń klýby jáne «Aq jelken» jastar lıgasy jumys isteıdi. Sondaı-aq mundaǵy 240 oryndyq májilis zaly, pikirlesýge arnalǵan dóńgelek ústel alańy, júz adamǵa arnalǵan konferens-zal, ǵylymı-ádistemelik bólmeler, horeografııalyq zal óńirdegi ıgi sharalardy ótkizýde, Elbasy saıasatyn nasıhattaýda oń nátıje kórsetip otyr. Búginde Qazaqstan halqy Assambleıasy etnostyq quram ókilderinen qazaq, orys, dúngen, túrik, ózbek, kúrdi, ázerbaıjan, qyrǵyz, koreı, tatar, nemis, ýkraın jáne taǵy sol sııaqty 73 etnomádenı birlestikterdiń basyn biriktirip, jumys atqarýda. Onyń 26-sy oblys ortalyǵynda, 47-si aýdandarda qurylǵan. Jalpy qazirgi tańda Jambyl oblysynda 87 etnos ókili ómir súrip jatyr. Bári de Dostyq úıi shańyraǵynda Táýelsiz Qazaqstannyń órkendeýine, damýyna úles qosyp keledi. Beıbitshilik pen kelisim ordasynyń da negizgi maqsaty men mindeti - ǵasyrlar boıy qalyptasqan qazaqtyń darhandyǵyn, keńpeıildigin dáripteý, nasıhattaý. Aıta keterligi, «Kóne Taraz» tarıhı-mádenı kesheninen boı kótergen Dostyq úıi nysany qoldanysqa 2016 jyldyń 10 qyrkúıeginde berilgen bolatyn.
Dınara BITIK,
«Egemen Qazaqstan».
TARAZ
