Aýdan basshysynyń aıtýynsha, áleýmettik jumys oryndary boıynsha segiz aıda 139 adam sharýa qojalyqtary men jeke kásipkerlerge jumysqa joldandy. «Jastar tájirıbesi» boıynsha 72 jas maman joldanyp, olardyń 13-i turaqty jumysqa ornalasty. «Dıplommen aýylǵa» baǵdarlamasy aıasynda jyl basynan beri 98 maman suranys berse, segiz aıda sonyń 69-yna 10,9 mln teńge kóterme járdemaqy jáne 40 adamǵa 124,3 mln teńge bıýdjettik nesıe berildi. Suranysqa sáıkes 29 mamanǵa 90 mln teńgedeı qarjy qajet.
Jyl basynan beri úsh ret bos jumys oryndarynyń jármeńkesi ótkizilip, 166 adamnyń 126-sy jumys ornyn tapty. Sonymen birge 27 múgedek jumysqa ornalasty. Kúni búgin 257 adam jumyssyz retinde tirkelip, jumyssyzdyq deńgeıi 1 paıyzdy qurap otyr.
Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan memlekettik baǵdarlamasyna sáıkes barlyq kózdelgen jumystar ýaqtyly atqarylýda.
Aıta keteıik, bıylǵy aýdan bıýdjeti 6 mlrd 669 mln teńge kóleminde bekitilse, keıin naqtylaý barysynda 7 mlrd 955 mln teńgege jetti. Segiz aıda 803,4 mln teńge salyq túsip, jospar 98,9 paıyzǵa oryndaldy. О́nerkásip óniminiń kólemi 1313,8 mln teńgege jetse, negizgi qarjyǵa jeti aıda 640,8 mln teńge ınvestısııa qosyldy.
Ekonomıkasy mal sharýashylyǵyna negizdelgen aýdanda iri qara 83,1 myń, usaq mal 257,7 myń, jylqy 32,0 myń basqa jetti. «Sybaǵa» memlekettik baǵdarlamasy boıynsha bıyl 7 sharýa qojalyǵy 153,4 mln teńge, «Qulan» baǵdarlamasy boıynsha 3 sharýa qojalyǵy 95,0 mln teńge nesıege qol jetkizdi. Qazirgi tańda aýdan boıynsha iri qara ósiretin 30, jylqy malyn - 6, qoı ósiretin 2 asyl tuqymdy sharýashylyqtar bar. Bıylǵy jyldyń aıaǵyna deıin ár aýyldyq okrýgte mal bordaqylaıtyn kooperatıv qurý baǵytynda jumystar júrgizilýde.
