Basylymnyń habarlaýynsha, parıjdikterdiń qarjylyq feır pleı erejesin buzǵan jaǵdaıda ÝEFA basshylyǵy Chempıondar lıgasynyń 2018/2019 maýsymyna qatysý quqyǵynan aıyratynyn eskertken. Osyǵan baılanysty PSJ birden alty oıynshysyn satylymǵa qoımaq. Olar: Anhel Dı Marııa, Haver Pastore, Lýkas Moýra, Iýlıan Draksler, Hatem Ben Arfa, Tıagý Sılva, Blez Matıýıdı jáne Serj Ore. Nátıjesinde, Blez Matıýıdı men Serj Ore tıisinshe «Iýventýs» pen «Tottenhemge» aýysyp ketti.
Jazda «Parı Sen Jermen» 222 mln eýroǵa brazılııalyq Neımardy «Barselonadan» satyp alyp, transferlik rekord ornatqan bolatyn. Bul jerde aıta keterligi, resmı aqparat boıynsha brazılııalyq shabýylshy kelisimshartynda kórsetilgen somany óz esebinen shyǵarǵan. Al oǵan bul qarjy 2022 jyly Qatarda ótetin álem chempıonatyna elshi bolǵannan keıin berildi. Sondaı-aq, parıjdikter «Monakonyń» 18 jastaǵy shabýylshysyn jalǵa alǵan. Ras, aldaǵy jazda fransýz úshin 180 mln eýro tóleıdi.
Transferlik ýaqyt aıaqtalǵannan keıin, ıaǵnı 1 qyrkúıek kúni ÝEFA joǵaryda aıtylǵan jaıttar boıynsha parıjdikterge qatysty tergeý jumystaryn bastap ketti.
Qarjylyq feır pleı erejesin ÝEFA-nyń burynǵy basshysy Mıshel Platını 2012 jyly ornatyp ketken. Bul ereje boıynsha eýropalyq komandalar bir maýsym ishinde tapqan paıdasynan artyq qarjy jumsaýyna bolmaıdy.
