Astana qalasy ákimdiginiń málimetinshe, osy aýqymdy jumys aıasynda qalalyq ınfraqurylymnyń ártúrli nysandary tazalanyp, jýylady: qorshaýlar, aıaldamalar, jaryq baǵanalary, jol belgileri, joldar, trotýarlar jáne t.b. Sonymen qatar, aýla, skverler, saıabaqtar jáne basqa da qoǵamdyq oryndarda jóndeý-qalpyna keltirý jumystary júrgizilip jatyr.
Qalanyń barlyq aýdanynda sanıtarlyq tazalaý jumysy belsendi júrgizilip jatyr. Nura aýdanynda jergilikti aýmaqtardy tazalaý jáne retke keltirý boıynsha júıeli jumys júrip jatyr. Joldar jýylyp, trotýarlar, kópirler, aıaldamalar jáne qalalyq ınfraqurylymnyń basqa elementteri tazalanyp jatyr.
Baıqońyr aýdanynda sanıtarlyq tazalaýmen qatar aýla, skver jáne saıabaqtarda jóndeý-qalpyna keltirý jumysy bastaldy. Balalar men sport alańdary, qoqys konteınerleri ornalasqan oryndar rettelip, abattandyrý elementteri qalpyna keltirilip jatyr.
Astanalyq polıseıler beınekamera arqyly jol erejesin buzǵandardy anyqtady
Almaty aýdanynda jumystar kúsheıtilgen rejımde júrip jatyr – kúndelikti shamamen 300 jol jumysshysy men 250-den astam arnaıy tehnıka jumyldyrylǵan. Joldardy jáne ınfraqurylymdy jýmen qatar, jasyl jelekterge kútim kórsetilip, aıaldamalar sanıtarlyq tazalanýda, anshlagtar men qorshaýlardyń elementterin qalpyna keltirý jumysy júrip jatyr.
Esil aýdanynda da kóktemgi jóndeý-qalpyna keltirý jumysy bastaldy. Tas tósemeler qalpyna keltirilip, D.Qonaev kóshesindegi tireý qabyrǵasynyń ústińgi taqtalary jóndelýde. Kúndelikti qalalyq ınfraqurylymnyń keshendi jýý jumysy júrgizilýde. Bul jumysqa 500-den astam jol jumysshysy men 200-den astam tehnıka jumyldyrylǵan.
Astanada kemirgishterge qarsy kóktemgi kúres naýqany bastaldy
Saryarqa aýdanynda da aýqymdy sanıtarlyq tazalaý júrgizilýde. Jumystar jol jabyndysyn, jer asty ótkelderin, aýla aýmaqtaryn jáne kóshe jıhazdaryn qamtıdy. Sonymen qatar, aıaldamalar tazalanyp, abattandyrý elementteri jóndelip jatyr. Sanıtarlyq tazalaýǵa 735-ten astam tehnıka jáne 253 jol jumysshysy jumyldyrylǵan.
Saraıshyq aýdanynda 200-den astam arnaıy tehnıka men 400 jol jumysshysy jumyldyrylǵan. Qar shyǵarý, qum-topyraq pen iri qoqystardan tazartý, jol jıegin jınaý, trotýarlar men kópirlerdi jýý jumysy júrgizilip jatyr.
Qazirgi tańda qalanyń barlyq alty aýdanynda sanıtarlyq tazalaý jumysy júrgizilýde. Trotýarlar men jol jabyndary arnaıy tehnıkanyń kómegimen tazalanyp, kógaldy tustar jáne basqa jerler retke keltirilip jatyr.
