Ulttyq pavılon Mádenıet jáne aqparat mınıstrliginiń qoldaýymen uıymdastyryldy. Ashylý saltanatyna vıse-mınıstr Aıbek Sydyqov, elshi Erbolat Sembaev, bıennale prezıdenti Petrandjelo Býttafýoko jáne óner ókilderi qatysty.
Kórme Venesııadaǵy Museo Storico Navale mýzeıiniń bes zalynda ornalasqan. Ekspozısııa dybys, jaryq jáne vızýaldy obrazdar arqyly jasalǵan erekshe ımmersıvti saıahat retinde usynylǵan. Jobanyń kýratory – Syrlybek Bekbota. Onyń jumysyna kompozıtor Ábiken Hasenovtiń dástúrli «Qońyr» kúıi negiz bolǵan.
Kórmede Steppe Architectonics ınstallıasııasy, dybystyq jáne sıfrlyq týyndylar, sondaı-aq túıe júninen jasalǵan kórkem jumystar qoıylǵan. Avtorlar jady, dástúr jáne urpaqtar sabaqtastyǵy taqyryptaryn óner arqyly beınelegen.
Bıyl Qazaqstan Ulttyq pavılony alǵash ret ashyq konkýrs arqyly iriktelgen kýratorlar men sýretshilerdiń qatysýymen daıyndaldy. Jobanyń bas seriktesi – «Samuryq-Qazyna» AQ.
Almatyda «Bir aspan astynda» halyqaralyq zamanaýı óner kórmesi ashyldy
Kórmeni 2026 jylǵy 9 mamyr men 22 qarasha aralyǵynda Venesııadaǵy Museo Storico Navale mýzeıinde tamashalaýǵa bolady.
