Aýyldardy ınternetpen qamtamasyz etý jobasyn iske asyrý kezinde respýblıkalyq bıýdjetke birjolǵy júktemesiz memlekettik-jekemenshik áriptestik qaǵıdasyn paıdalaný týraly sheshim qabyldanǵan. Bul úshin servıstik kelisimshart modeli – uzaqmerzimdi qyzmetti satyp alý tańdalǵan. Mundaǵy memlekettik qoldaý sharasy – tutynýdyń uzaqmerzimdi kepildemesi bolmaq.
Konkýrsty jeńip alǵan ınvestor úsh jyl ishinde toqsan saıyn jelilerdi iske qosady jáne 1 800-ge jýyq aýyldy jelimen qamtamasyz etedi, al memleket 14 jyl ishinde qyzmetterdiń kepildendirilgen satyp alýyn qamtamasyz etedi dep boljanǵan.
Eske salsaq, búgin Premer-Mınıstr Baqytjan Saǵyntaevtyń tóraǵalyǵymen ótken Úkimet otyrysynda aýyldyq eldi mekenderdi keń jolaqty ınternet jelisine qosýdy qamtamasyz etý jobasy talqylanǵan bolatyn.
Dınara BITIK,
«Egemen Qazaqstan»
