Jıynǵa Shymkent qalasyndaǵy «Ońtústik», «Tassaı», «Badam» ındýstııaldy aımaqtarynda ornalasqan 60-tan astam shaǵyn jáne orta bıznes ókilderi men oblys ákiminiń orynbasary B.Jamalov, tıisti sala basqarmalarynyń basshylary, «Ońtústik» ındýstrııaldy aımaǵy dıreksııasynyń ókilderi qatysty.
Basqosýda óńir basshysy kásipkerlerge qoldan jasalatyn kedergiler joıylyp, bıýrokratııaǵa jol berilmeý kerektigin aıtty.
«О́ńirdiń óndirisin kóterip jáne oblys ekonomıkasynyń damýyna orasan úles qosyp otyrǵan osy shaǵyn jáne orta kásipkerlik salasy. Búginde kásibin dóńgeletemin degen árbir kásipkerge memleket bar jaǵdaıdy jasap otyr. О́zderińiz kásiporyn ashyp otyrǵan ındýstrııaldy aımaqta Elbasynyń bastamasymen qolǵa alynǵan údemeli ındýstrııalyq-ınnovasııalyq damý baǵdarlamasy aıasynda qurylǵan»,-dedi ákim.
Bıznes ókilderimen bolǵan kezdesýde otandyq óndiristi damyta otyryp, syrtqy taýardy qystartý jáne eksportty ulǵaıtý máselesi talqylandy. Sonymen qatar, ındýstrııaldy aımaqta ornalasqan kásiporyndar aýmaǵyn kógaldandyrý men bos jatqan jerlerdi ıgerý jaıy da qaraldy. Onda oblys ákiminiń orynbasary transformator shyǵaratyn «Asia Trafo» kásiporyny óz qarjysy esebinen «Tassaı» ındýstrıaldy aımaǵynda shaǵyn baý egetinin aıtyp, ózgelerge úlgi etti.
Kezdesý barysynda «Amır-A» JShS-niń dırektory Aıman Amırbekova «Ońtústik» ındýstrııaldy aımaqta quny 7 mıllıard 11 mln teńge bolatyn metallýrgııalyq zaýyttyń qurylysy júrgizilip jatqanyn málimdedi. Jylyna 500 myń tonna metall buıymdaryn shyǵarýǵa qaýqarly óndiris orny iske qosylǵanda 260 adam jumyspen qamtylatyn bolady.
Aıta keteıik, «Ońtústik» ındýstrııaldy aımaqta jalpy somasy 55,8 mlrd teńge bolatyn bes myń jumys ornymen 85 joba júzege asyrylýda. Onyń búginde quny 21,4 mlrd. teńge bolatyn 46 jobasy iske qosylyp, úsh myń adam jumyspen qamtylyp otyr. Al «Badam» ındýstrııaldy aımaǵynda 14 joba júzege asyrylyp jatsa, búginde onyń 3-ýi iske qosylǵan. «Tassaı» IA búginde 27 jobany júzege asyrý josparlansa, onyń 4-ýi iske asyrylǵan.
