Polısııa bólimshesiniń ashylý saltanatyna Atyraý OIID bastyǵy polısııa polkovnıgi Aıan Dúısembaev, Isataı aýdanynyń ákimi Marat Murzıev qatysty. Departament bastyǵy óz sózinde shalǵaı aýyldardaǵy halyqtyń ótinishterin qaraý úshin meılinshe jaǵdaı jasalyp jatqanyn aıtty.
«Jańa bólimshe qurylysy oblys ákimi Nurlan Noǵaevtyń qoldaýymen jáne QR IIM polısııa general-polkovnıgi Qalmuhanbet Qasymovtyń kelisimimen júzege asty. Mundaǵy tártip saqshylary jaqyn mańdardaǵy Janbaı, Zabýryn, Naryn, Isataı eldi mekenderiniń halqyna qyzmet kórsetedi. Jalpylaı alǵanda bul eldi mekenderdegi 8500 ge jýyq turǵyn buryn óz ótinishterin aıtý úshin aýdan ortalyǵyna qatynaıtyn. Qazir barlyq túıitkilder jergilikti jerde sheshiletin bolady»,- dedi departament bastyǵy. Al aýdan ákimi Marat Murzıev Aqqystaý selosynda polısııanyń tirek pýnktin salý josparlanǵanyn jetkizdi.
Saltanatty shara barysynda departament bastyǵy polısııa bólimshesine 3 Nıva markaly qyzmettik kóliktiń kiltin tabys etti.
Baqytgúl Babash,
"Egemen Qazaqstan"
