Kórmege kelýshiler nazarǵa usynylǵan ótken ǵasyrdaǵy latyn árpimen basylǵan qujattar, gazetter men jýrnaldardy úlken qyzyǵýshylyqpen tamashalady. Budan bólek «Rýhanı jańǵyrý» jobasyna da arnaıy oryn berildi. Shara shymyldyǵy oblystyq arhıv qyzmetkeri Jazıra Ákijanovanyń baıandamasymen ashyldy. «Bolashaq» akademııasynyń oqytýshy-professorlyq quramy stýdentterge qazaq tiliniń latyn álipbıine kóshirý jobasyn barynsha keń kólemde nasıhattap keledi. Qazir latyn grafıkasyna qatysty tarıhı derekterdi mazmundy túsindirip, qazaq jazýy latyn qarpine ótpeıtindigin, kerisinshe qaıta oralatyndyǵyn atap ketken jón. О́ıtkeni Qazaqstanda latyn grafıkasyn qoldaný tájirıbesi burynnan bar. 1929 jyly qazaq zııalylary latyn grafıkasyn qabyldap, memlekettik is qaǵazdardy osy álipbıdiń kómegimen jazǵan bolatyn.
Tarıhymyzdaǵy latyn grafıkasyn qoldanǵan kezeń týraly tolyqqandy aqparat berý maqsatyndaǵy ótkizilgen kórme kópshiliktiń kóńilinen shyqty.
Atalmysh is-sharada «Bolashaq» akademııasynyń professory Qurmanǵazy Sembıev qazaq jazýynyń tarıhyna toqtalyp, latyn grafıkasyna kóshý zaman talaby ekenin naqty derektermen baıandady. Akademııanyń professory, zań ǵylymdarynyń kandıdaty, joǵary oqý oryndarynan keıingi bilim berý bóliminiń bastyǵy Eleýjan Serimov qazaq tarıhyndaǵy latyn álipbıiniń damý kezeńderi, «Rýhanı jańǵyrý» máseleleri boıynsha tujyrymdy pikir bildirdi.
Kórmede «Bolashaq» akademııasy kitaphanasynyń qoryndaǵy «Rýhanı jańǵyrý» baǵdarlamasy men latyn grafıkasyna qatysty materıaldar, oblystyq arhıv qoryndaǵy ótken ǵasyrdyń 20-30 jyldaryndaǵy qujattar, hattamalar, maqalalar qoıyldy.
Mıras ASAN,
«Egemen Qazaqstan»
Qaraǵandy oblysy
