Memleket basshysyna Qazaqstannyń halyqaralyq uıymdardaǵy qyzmeti týraly málimdelip, birqatar halyqaralyq is-sharalardy ótkizý qorytyndysy jóninde esep berildi.
Syrtqy ister mınıstri Elbasyna BUU Bas Assambleıasynyń 72-sessııasyna qatysýynyń nátıjeleri jóninde baıandap, BUU Qaýipsizdik Keńesinde tóraǵalyq etýimizdiń negizgi basymdyqtary týraly aıtty.
Sondaı-aq, Syrtqy ister mınıstri Nursultan Nazarbaevqa Qazaqstannyń Azııadaǵy ózara is-qımyl jáne senim sharalary keńesindegi yntymaqtastyǵynyń negizgi baǵyttaryna toqtalyp, osy uıymǵa múshe elderdiń barlyǵy Qazaqstan Prezıdentiniń Sırııadaǵy qaqtyǵysty retteýge baǵyttalǵan bitimgerlik bastamasyna oń baǵa berip otyrǵanyn atap ótti.
Budan bólek, Qaırat Ábdirahmanov Islam yntymaqtastyǵy uıymy elderiniń syrtqy ister mınıstrleri bıylǵy qyrkúıekte Astanada ótken osy uıymnyń ǵylym jáne tehnologııalar jónindegi sammıtiniń nátıjelerin joǵary baǵalaıtynyn erekshe atap ótti.
Kezdesý qorytyndysy boıynsha Memleket basshysy birqatar naqty tapsyrma berdi.
