3 qazan saǵat 19:15 ýaqytynda Almaty oblysy Ile aýdanynda Mejdýrechensk aýylynyń janynda An-28 ushaǵy qulap, artynan otqa oranǵan. Ushaq bortynda bolǵan bes adamnyń bári qaza tapqan, dep habarlady QR IIM Tótenshe jaǵdaılar komıtetiniń resmı ókili Rýslan Imanqulov.
«East Wing» áýe kompanııasyna qarasty An-28 ushaǵy medısınalyq kómek kórsetý maqsatynda saǵat 18:35 ýaqytynda Almatydan Shymkent baǵytynda ushyp, 12 mınýttan soń saǵat 18:47 ýaqytynda Almatydan 28 shaqyrym qashyqtyqta radardan joǵalǵan.
Azamattyq avıasııa komıteti Feısbýk áleýmettik jelisindegi resmı paraqshasynda qaıtys bolǵandardyń aty-jónin jarııalady.
Ushaq komandıri, Qyrǵyz eliniń azamaty Soı G.N., ekinshi ushqysh, Qazaqstan azamaty Kýtafın E. Ushaq bortynda ekıpaj múshelerinen bólek eki medısınalyq qyzmetker bolǵan. Barlyǵy bes adam.
An-28 ushaǵy 1990 jyly Polshada shyǵarylǵan, tirkelgen nomeri UP – A2807. Jalpy eń aýyr ushý salmaǵy - 5690 kg.
"Koordınattar anyqtalyp, QR IDM Kóliktegi oqıǵalardy tergeý departamentiniń áýedegi oqys oqıǵalardy tergeý basqarmasynyń mamandary áýe oqıǵasy týraly aqparat túskennen keıin, bir saǵat ishinde oqıǵa ornyna attanyp ketti," dep jazylǵan Azamattyq avıasııa komıtetiniń habarlamasynda.
