«Atameken» UKP-da ótken talqylaýǵa qoǵamdyq uıym men agrobıznes ókilderi qatysty.
Aýyl sharýashylyǵy Birinshi Vıse-mınıstri Q.Aıtýǵanov «Karta ár baǵyt boıynsha negizgi máselelerdi anyqtaıdy sondaı-aq, keńeıtilgen taldaý júrgize otyryp, tıisti baǵyttar boıynsha naqty sharalar qabyldaıdy jáne de júzege asyrylyp jatqan Kartanyń bıznes-qaýymdastyq ókilderi arasynda talqylanýy óte mańyzdy faktor»,- dedi.
AО́K-tiń negizgi baǵyttaryn damytýǵa arnalǵan kartalar Qazaqstan Respýblıkasy Aýyl sharýashylyǵy mınıstrliginde jaqynda ótken Agrarlyq saıasat jónindegi Keńestiń otyrysynda tanystyryldy.
Júrgizilgen taldaý nátıjelerine sáıkes, aýyl sharýashylyǵy tehnıkalary parkindegi traktorlardyń 65 paıyzynyń, kombaındardyń 46 paıyzynyń paıdalaný merzimi 17 jyldan asqan. Eski tehnıkalardy paıdalaný shyǵyndy kóbeıtedi jáne egindi tolyq jınap alýǵa múmkindik bermeıdi.
Osyndaı jaǵdaılardyń aldyn-alý maqsatynda AО́K-ti tehnıkalyq qaıta jaraqtandyrý Kartasy ázirlendi. Aýyl sharýashylyǵy tehnıkalaryn óndirýshiler úshin jeńildikter, otandyq óndirýshilerden aspaly jáne tirkemeli tehnıka satyp alýshy sharýalarǵa jeńildikpen beriletin nesıeler qarastyryldy.
Atalǵan is-sharalar sharýalardyń kirisin 20 paıyzǵa, eńbek ónimdiligin 1,5 esege, ónim óndirisin 2 esege arttyryp jáne aýyl sharýashylyǵy mashınalary parkin jańartýǵa múmkindik beredi.
Tuqym sharýashylyǵy Kartasyn ázirleý qajettiligi aýyl sharýashylyǵy daqyldarynyń sapasynyń tómendiginen jáne tuqym sharýashylyǵy tehnıkalaryn jaraqtandyrý jáne tuqymnyń tıimsiz sorttaryn paıdalanýdan týyndady.
Sońǵy 5 jylda elıtaly tuqymdardy sebý ortasha eseppen 4,6 paıyz. Ǵylymı derekterge súıensek eginniń ónimdiliginiń tómen bolýynyń 20 paıyz tómengi reprodýktorly tuqymdy paıdalanýdan bolady. Elıtaly tuqym sharýashylyǵyna taldaý júrgizý nátıjesinde egis jınaý tehnıkalarynyń jartysy ıaǵnı 2/3 tuqym tazalaý tehnıkalary 10 jyldan astam ýaqyt paıdalanylǵan. Sondaı-aq, eskirgen tuqym tazalaıtyn tehnıkalar tuqymnyń sapasyn tómendetedi.
Osyǵan oraı, tuqym sharýashylyǵyna taldaý júrgizilip, naqty júıelik sharalar ázirlendi. Tuqym sharýashylyǵy boıynsha sýbsıdııa berýdiń mehanızmin jetildirý, sýbsıdııany tek qana joǵary surypty sapaly ónimderge berý, sonymen qatar respýblıka boıynsha jumys istep turǵan sýbsıdııa berý shemasy qaıta qarastyrylýda.
Agrohımııany damytý Kartasy aıasynda ár oblys úshin jerdi tyńaıtýdyń biryńǵaı normasyn engizý usynylady. Bul qosymsha tyńaıtý kólemin, negizgi tyńaıtý túrlerin sýbsıdııalaý úshin qosymsha 3,9 mlrd teńge únemdeýge múmkindik beredi. Nátıjesinde tyńaıtqyshtardy tutyný kólemi 10%-dan 30 paıyzǵa kóbeıedi. Aýyl sharýashylyǵy maıly daqyldarynyń ónimdiligi 10-12 paıyzǵa kóterilgendikten jerdiń qunarlylyǵy artady.
О́simdikterdi qorǵaý quraldary óndirisin damytý Kartasy aıasynda aýyl sharýashylyǵy taýar óndirýshilerine aram shóptermen zııandy jáne asa qaýipti organızmdermen kúresý, karantındi obektilerdi joıý úshin pestısıdterdi jáne bıopreparattardy satyp alǵan shyǵynyn sýbsıdııamen qamtamasyz etý qarastyrylǵan. Sondaı-aq, jeke menshik ıelerindegi baqshalarda joıylǵan jemis aǵashtarynyń shyǵyndaryn óteý boıynsha jumystar júrgiziledi.
Aýyl sharýashylyǵy taýar óndirýshilerin sapaly pestısıdtermen qamtamasyz etý múddelerin qorǵaý maqsatynda pestısıdterdiń sapasyn qadaǵalaý júzege asyrylǵan. Sonymen qatar, ımporttyq pestısıdterdiń QQS-n kezeń-kezeńimen joıý qarastyrylýda. Pestısıdterdi memlekettik tirkeý talaby qatańdatylǵan.
Is-sharaǵa qatysýshylar AО́K-ti damytý kartasyn qoldap onyń tıimdi ekenin atap ótti.
