Memleket basshysyna bul nysannyń qurylysy jeke adamdardyń qarjysy arqyly júrgizilgeni baıandaldy. QazaqstanPrezıdenti elimizdiń kórnekti ǵylym jáne óner qaıratkerleri – Jubanovtardyń ómiri men shyǵarmashylyǵyna arnalǵan mýzeıdi aralap kórdi.
Budan bólek, Elbasy oblystyń jurtshylyq ókilderimen kezdesti.
Nursultan Nazarbaev «Rýhanı jańǵyrý» atty baǵdarlamalyq maqalasynda atap kórsetilgen jańǵyrý úderisiniń erekshelikterine toqtaldy.
– Álem kóz aldymyzda ózgerýde, biz sol ózgeristerdiń ortasyndamyz. Jańa ǵylymdar paıda bolyp, tyń kózqaras qalyptasýda. Barlyq reformalar, sonyń ishinde qoǵamdyq sanany jańǵyrtý úderisi zamandastarymyzdy jarqyn bolashaqqa daıyndaý úshin jasalýda, – dedi Qazaqstan Prezıdenti.
Sondaı-aq, Elbasy Astana, Almaty, Shymkent qalalarymen qatar Aqtóbe de ınnovasııa ortalyǵy bolyp, óndiristik, qarjylyq jáne adamı resýrstardy tartatyn faktorǵa aınalýǵa tıis ekendigin erekshe atap ótti.
– Táýelsizdik jyldarynda Aqtóbe oblysynyń halqy eki ese ósti. Osy kórsetkishti arttyrý maqsatymen munda tutas shaǵyn aýdandar men qajetti ınfraqurylym salynýda. Barlyq jaǵdaı jasalyp jatyr. Turǵyn-úı, jol salynyp, gaz ben sý qubyrlary tartylýda. Sol sııaqty búkil Qazaqstan aýmaǵy jol jelisimen qamtylady. Mine, damý degenimiz – osy. Muny adamı damý deýge de bolady, – dedi Memleket basshysy.
Kezdesý sońynda Nursultan Nazarbaev oblys turyndaryna amandyq pen baq-bereke tilep, elimizdiń órkendeýi jolynda tabysqa jetýlerine nıettestigin bildirdi.
