Atyraý munaı óńdeý zaýytynan júk aǵynyn qala aýmaǵynan tys jerge shyǵarýǵa múmkindik beretin joba ekologııalyq, óndiristik qaýipterdi seıiltedi, dep habarlaıdy Atyraý oblystyq óńirlik kommýnıkasııalar qyzmeti.
«RTI-ANPZ» JShS jobasy kólik ınfraqurylymyn damytý baǵdarlamasy aıasynda júzege asqan, zaýyt jumysynyń tıimdiligin arttyrýǵa baǵyttalyp otyr.
Kompanııa "Teńdik" stansııasyn qaıta jańǵyrtýdan ótkizdi, temir jol, vokzal ǵımaraty, ınjenerlik kommýnıkasııa jańartyldy, aýmaq abattandyryldy.
- Bir kezderi sısternalardy býlandyrý, quıý, tógý jumystary qala aýmaǵynda jasaldy. Qazir osy stansııanyń arqasynda bul jumystar qaladan 8 shaqyrym jerde júrgiziledi. Bul AMО́Z-diń qorshaǵan ortaǵa əserin azaıtyp, qaladaǵy aýanyń tazalyǵyn jaqsartady, dedi nysannyń saltanatty ashylýyna qatysqan oblys əkimi Nurlan Noǵaev.
Joba aıasynda 367 jańa jumys oryny quryldy.
