EUÝ-da QHA-nyń uıymdastyrýymen halyq­aralyq dóńgelek ústel ótti

Alqaly jıynǵa alys-jaqyn shetelden arnaıy shaqyrylǵan qonaqtarmen birge Qazaqstan halqy Assambleıasy Keńesiniń músheleri men QHA ókilderi qatysty.

Kirispe sóz sóılegen EUÝ prorektory Serikjan Qanaev dóńgelek ústelge qatysýshylarǵa izgi tilegin bildirip, elordadaǵy eńseli oqý ordasynda atqarylyp jatqan sharalarmen bólisti. Sonymen qatar prorektor ultaralyq birlikti nyǵaıtýdaǵy Qazaqstannyń atqaryp jatqan jumystaryna toqtaldy.

Shara barysynda qatysýshylar ózara pikir almasyp, taqyrypqa saı oılarymen bólisip, tájirıbelerin ortaǵa saldy. Eýrazııa halyqtary Assambleıasynyń jaýapty hatshysy L.Trýnına bastaǵan birqatar qurmetti meımandar baıandama jasap, qyzý pikir almasý boldy. Sonymen qatar Eýrazııa ulttyq ýnıversıtetiniń IýNESKO kafedrasynyń meńgerýshisi Ǵ.Shalahmetov, «Qyrǵyzstan-Astana» qo­ǵamdyq birlestiginiń tóraǵasy Sh.Is­maılov, túrik etnomádenı ortalyǵynyń tóraǵasy A.Pırıev jıynǵa qatysý­shy­larǵa baıandama jasady.

Kezdesýde ultaralyq jáne konfes­sııalyq birlikti nyǵaıtýdaǵy Qazaqstan men QHA tájirıbesi sóz bolyp, shet­elden kelgen sarapshylar elimizdiń eńbegin joǵary baǵalady. Elbasy N.Nazarbaevtyń osy másele jóninde atqarǵan jumystary keńinen aıtyldy. Jıynǵa qatysýshylar QHA-nyń shynaıy pikirtalas trıbýnasy men saıası platformaǵa aınalǵanyna toqtaldy. Sondaı-aq EUÝ-da ashylǵan QHA kafedrasynyń róli men qyzmetine aıryqsha baǵa berildi.

Atalǵan sharaǵa Reseı Memlekettik Dý­ma­synyń depýtaty Svetlana Smır­nova bastaǵan Reseı halyqtary Assam­bleıasynyń, Eýrazııa halyqtary Assam­bleıa­synyń, QHA etnomádenı birlestik­teriniń ókilderi qatysty.

Abaı ASANKELDIULY,
«Egemen Qazaqstan»