Kommýnıkasııanyń alǵa qaraı adymdap emes, qaryshtap damyp bara jatqany, XXI ǵasyrdaǵy ǵylym men bilim berý úrdisiniń múldem jańa arnaǵa bet burǵany bizdi de dúr silkindirmeı qoımaıdy. Búginde álemdegi eń tańdaýly ǵylymı jáne ádebı týyndylar osy áriptermen jazylady. Sondyqtan biz latyn árpine kóshý arqyly jahandyq órkenıet kóshine bir taban jaqyndaı túsemiz.
Al ǵalymdarymyz osy qaripti qoldaný arqyly álemdegi eń damyǵan elderdegi áriptesterimen terezelerin teńestire alady. Sondaı-aq latyn grafıkasyn qoldaný – aqparat almasýdyń keń shalqar aıdyny. Shyǵarmashylyqpen aınalysýdyń taptyrmas tutqasy. Qazirgi kezde álem elderiniń 70 paıyzǵa jýyǵy osy álipbıdi qoldanady. Ekinshi bir turǵydan qarastyrǵanda, latynshaǵa kóshý – túrki halyqtaryna ortaq jazý mánerin qalyptastyrýǵa septigin tıgizedi. Sonymen birge sheteldegi qandas baýyrlarymyzdyń shyǵarmalarymen emin-erkin tanysýymyzǵa da múmkindik beredi.
Búgingi tańda jańa grafıkadaǵy biryńǵaı standart nusqany qabyldaý qarsańynda turmyz. Bul óz kezeginde ádistemelik jumystardy odan ári túrlendire túsýdi qajet etedi. Sondaı-aq jańa álipbıdi úıretetin sapaly mamandar qataryn kóbeıtý kerektigin kórsetedi. Ásirese, bul iste mektepterge arnalyp jazylatyn ári qurastyrylatyn oqýlyqtarǵa asa saq, jaýapkershilik sezimmen qaraı bileıik degim keledi. Mine, osy maqsatqa qol jetkizý úshin elimizdegi lıngvınst-mamandar men oqytýshy-professorlardyń qaırat qylar kezi esikti qaǵyp turǵan sekildi. О́ıtkeni bul óte mańyzdy is. Oǵan úles qosý bárimizdiń ortaq paryzymyz dep sanaımyn.
Nurgúl Ábisheva,
«О́rleý» biliktilikti arttyrý ulttyq ortalyǵy Aqtóbe oblystyq fılıalynyń dırektory, fılologııa ǵylymdarynyń kandıdaty
AQTО́BE
