Fılıal dırektory Nurǵalı Aqmuratovtyń málimdeýinshe, jyl basynan beri «Atameken» UKP-nyń Ordabasy aýdandyq fılıalyna kásipkerlerdiń quqyǵyn qorǵaý maqsatynda 69 ótinim aryz túsken. Onyń 40 ótinishi - bıznes-jobalarǵa qarjy qarastyrýǵa qatysty. Bıznes-jobalardy qarjylaı qoldaý maqsatynda «Aýylsharýashylyǵyn qarjylaı qoldaý qory» AQ arqyly 7 joba 35 mln 700 myń teńge , «Yrys» MQU arqyly 29 joba jalpy somasy 100 mln 400 teńge, «Agro nesıe seriktestigi» AQ arqyly 1 joba 9,0 mln. tg., «Maksımým» AIO» JShS arqyly 2 joba 69,0 mln.teńge bólingen. Ekinshi deńgeıli bank «ATF» AQ arqyly 1 joba 35,0 mln teńgege qarjylandyryldy. Jańadan iske qosylyp otyrǵan «Bastaý bıznes» jobasy boıynsha aýdanda 151 jumyssyzdar men ózin-ózi jumyspen qamtyǵandar kásipkerlik negizderine oqytylǵan, sertıfıkat ıelengen. «Bıznestiń jol kartasy 2020» baǵdarlamasy aıasynda iske asyp otyrǵan «Bıznes Keńesshi» jobasy boıynsha 87 kásipkerler men kásipkerlik bastamashylyǵy bar turǵyndar úshin qysqa merzimdi oqytý kýrsy ótkizilip, sertıfıkattar tabystaldy.
Búgingi tańda Ordabasy aýdany boıynsha tirkelgen shaǵyn jáne orta kásipkerliktegi kásiporyndardyń sany - 9 869 nysan. Osy qurylymdar boıynsha jumyspen qamtylǵandar sany 20 918 adamǵa jetedi.
Baqtııar TAIJAN,
«Egemen Qazaqstan».
Ońtústik Qazaqstan oblysy.
