Ol másele – kórshiles memlekettermen shekaralas aýmaqtardyń aqparattyq qaýipsizdik tehnologııalaryn jańa sapaǵa kóterý qajettiligi. Memleketimizdiń soltústiginde, soltústik shyǵysynda, ońtústiginde, ońtústik shyǵysynda, shyǵysynda jáne batysyndaǵy shekaralyq aýmaqtarda, shamamen 150-200 shaqyrym endiktegi eldi mekenderdegi keńistikte bizdiń ulttyq televızııa, radıo, uıaly telefon sıgnaldary nashar, keıbir jerlerde múldem estilmeıdi, ótpeıdi. Almaty oblysy sııaqty úlken oblystyń shalǵaı eldi mekenderine qazaq radıosynyń úni jetpeıdi, al oblystyq radıo joq. Kerisinshe, kórshi memleketterdiń daýysy men aqparaty sańqyldap, saırap tur. Soltústik oblystarda da jaǵdaı osylaı. О́ıtkeni olardyń (kórshilerdiń) ǵaryshtaǵy stansalary óte qýatty. Osy óńirlerde turyp, tirshilik quryp otyrǵan Qazaqstan azamattary óz eliniń aqparattaryn kóp jaǵdaılarda kórshiles elderdiń kommýnıkasııalyq jelileri arqyly alýǵa májbúr.
Qazir aqparatqa degen suranys ta, ony tutynýshylar da buryn-sońdy boljanbaǵan kólemde eselep ósýde. Iаǵnı, memleketimizdiń aqparattyq qaýipsizdik áleýetin, kommýnıkasııalyq sapasyn Elbasynyń sıfrlandyrý talaptaryna saı qýattandyryp, olardy óz memleketimizdiń múddesine qyzmet ettirý maqsatynda osy ýaqytqa deıingi baǵdarlamany túbegeıli ózgertip, qaıta jasaqtaý qajettiligi týyndap turǵany kúmánsiz.
Ekinshiden, memleket múddesi úshin barlyq oblystarǵa habar taratatyn ulttyq televızııa arnalarymen qatar, ásirese Almaty, Shyǵys Qazaqstan, Ońtústik Qazaqstan, Soltústik Qazaqstan, Batys Qazaqstan sııaqty shekaralyq oblystardyń aqparattyq keńistikteri men olardyń múmkindikterin, básekelestikke qabilettiligin kóterý sharalaryn qarastyrý kerek. Sonymen qatar Asqar Jumaǵalıevtan oblystyq radıolarǵa áýe tolqynyn qaıta qarap, bólip, bekitip, olardyń jumysyn tehnologııanyń jańa talaptaryna saı uıymdastyrýǵa pármen berý qajettigi suraldy. Osy ótinishti qoldap ondaǵan áriptesterimniń qol qoıýyna qaraǵanda, barlyǵy da aımaqtarda bolǵanda osy problemamen tanysqany kórinip turdy.
Qýanysh SULTANOV,
Májilis depýtaty
