Mamannyń aıtýynsha, órt kóbinese astanadaǵy jeke sektorlardan shyǵady. О́rttiń negizgi shyǵý sebepteri: peshti jylytý kezinde qaýipsizdik erejelerin saqtamaý, montaj erejelerin buzý, elektr qondyrǵylaryn tehnıkalyq paıdalaný, otty abaılap qoldanbaý.
Kúnniń sýytýyna baılanysty astanalyq TJD qala turǵyndaryn órt qaýipsizdik erejelerin saqtaýdy eskertedi. «Eń birinshi peshti jylytýdy retke keltirý kerek. Onyń ishinde tútin shyǵatyn murjada jaryqshaqtar, synyqtar paıda bolyp, órttiń shyǵýyna sebep bolýy múmkin. Tútin shyǵatyn murja men qabyrǵany jıi-jıi áktep, tútin shyǵatyn joldy qadaǵalap turý kerek. Kómirden shyǵatyn órttiń aldyn alý úshin, kómir túsetin kishkene qorapsha ornatý kerek», - deıdi Q.Nurǵazınov.
Peshti paıdalaný kezinde peshtiń aldyna otyndy úıip qoımaýǵa, kıim keptirýge, basqa da materıaldardy jaqyn qoıýǵa bolmaıdy.
О́rttiń taǵy bir shyǵýyna qoldan jasalǵan turmystyq elektr jylytqyshtar da sebep bolady.
«Kún sýytqan kezde jylý rettegishi bar zaýyttan shyqqan elektrqondyrǵylaryn paıdalanǵan durys», - deıdi Q.Nurǵazınov.
