«Investısııa tartýdy yntalandyrý kerek. Qazirgi ýaqytta ınnovasııaǵa qomaqty qarjy salamyn dep júrgen kásipkerler kóp dep aıta almaımyz. Mundaı úrdis Qazaqstanda ǵana emes, basqa memleketterde de solaı. Sondyqtan bıznesti yntalandyrý tetikteri bolýy kerek», dedi Oljas Bektenov.
Ǵylym jáne joǵary bilim mınıstri Saıasat Nurbek qoldanystaǵy tásilder, onyń ishinde kommersııalandyrýǵa arnalǵan granttar, Ǵylymı-zertteý jáne tájirıbelik-konstrýktorlyq jumystar úshin salyqtyq preferensııalar, endaýment-qorlar jáne basqa da tetikter týraly baıandady.
