Sońǵy bes jylda elde shákirtaqy jyl saıyn 20–25 paıyzǵa kezeń-kezeńimen ósip kelgen. Nátıjesinde onyń kólemi 100 paıyzǵa deıin artqan. 2025 jyly bul baǵdarlama aıaqtaldy.
Mınıstrdiń aıtýynsha, endi Úkimetpen birlesip stıpendııany jyl saıyn arttyrý múmkindigi qarastyrylyp jatyr. Ásirese doktoranttardyń stıpendııasy aıtarlyqtaı ósken, qazirgi tańda olar aıyna shamamen 254 myń teńge alady. Bul kórsetkishti aldaǵy ýaqytta da kezeń-kezeńimen ulǵaıtý josparlanyp otyr.
Tegin jataqhana men shákirtaqy: Qytaı grantyn qalaı jeńip alýǵa bolady?
Sonymen qatar, brıfıngte joǵary oqý oryndaryndaǵy oqý aqysyna qatysty suraq ta kóterildi. Mınıstrdiń aıtýynsha, memlekettik ýnıversıtetterde oqý aqysy qatań retteledi jáne ınflıasııa deńgeıin eskere otyryp, shamamen 10 paıyzdan aspaıtyn mólsherde ǵana ózgerýi múmkin.
Ol bıyl da oqý aqysynyń kúrt ósýine jol berilmeıtinin jáne barlyq ýnıversıtettermen keńes júrgiziletinin atap ótti.
