Aımaqtar • 25 Qazan, 2017

Qostanaıda bir táýlikte on kúnniń normasyna teń qar jaýdy

201 ret kórsetildi

Qara kúzge erterek bolǵanymen,   oblystyń biraz aýdandaryn  appaq qar basyp qaldy. Tańerteń maıdalap jaýǵan qar, keshke qaraı boranǵa ulasty. Alǵashqy qardy erip keter degen úmit bolǵan, biraq taptalyp, qalyńdaı tústi.

«Qarasý aýdanynda qar kóp jaýdy, qazan aıynda 25 mm qar túsedi dep belgilegenbiz,  al munda ol 28 mmm kórsetti. Sonymen qatar Áýlıekól aýdanyndaǵy Qusmuryn mańaıyn da túgel qar japty, qalyńdyǵy 20 mm . Qostanaıda 11 mm qar tústi. Jalpy alǵanda oblysta on kúnniń normasyndaı qar jaýdy» dedi «Kazgıdromet» oblystyq fılıalynyń ınjeneri Irına Jılıaeva.

Aýa raıyn boljaýshylary taıaý táýlikterde óńirde aýa raıy turaqsyz bolǵanymen, syqyrlaǵan qalyń qar jeltoqsan aıynda jaýatynyn aıtyp otyr.  

 Názıra Járimbet

«Egemen Qazaqstan»

Qostanaı

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar