«Jaýyngerlik baýyrlastyq-2017» oqý jattyǵýy aıaqtaldy

Tarqata aıtar bolsaq, Almaty oblysynyń «Ile» polıgonynda Ujymdyq qaýipsizdik týraly shart uıymynyń bitim­gershilik kúshterimen (UQShU UBK) «Myzǵymas baýyr­las­tyq-2017» birlesken oqý-jat­ty­ǵýynyń sońǵy kezeńi ótti. Oqý-jattyǵý barysynda UQShU Ujymdyq bitim­ger­shilik kúshteriniń qurylýy, UQShU-nyń quramyna kir­meı­tin memleketter aýmaǵyn­da BUU Qaýipsizdik Keńesi­niń bu­ryshtamasy boıynsha ót­ki­zi­letin beıbitshilikti saq­tap turý jónindegi operasııa aýdanynda olar­dyń óris­tetilýi, beıbitshilikti ustap turý jó­nin­de operasııany júr­­gizý, son­daı-aq bitim­ger­shi­­lik tapsyr­malardy oryndaý kezin­de halyqaralyq uıym­darmen ózara is-qımyl jasaý máseleleri pysyqtaldy. 

Oqý-jattyǵýdyń belsendi faza­synda bitimgershilik bólim­shelerdiń jeke quramy is júzinde baqylaý-ótkizý jáne baqylaý pýnktterinde qyzmet ótkerý, jergilikti jer men eldi mekenderdi patrýldeý, mańyzdy nysandardy kúzetý, jer men nysandardy mınadan zalalsyzdandyrý, radıasııalyq, hımııalyq jáne bıologııalyq barlaýdy júrgizý, órt saldaryn joıý, jappaı tártipsizdikterge qarsy turý, izgilik júkterdi alyp júrý, zańsyz qarýly qu­ra­lym­dardy oqshaýlaý jáne joıý kezindegi is-qımyldardy pysyqtady. 

Ujymdyq bitimgershilik kúshteri bólimsheleriniń koman­dırleri bitimgershilik tap­syr­malardy oryndaýdy uıym­dastyrýda, beıbitshilikti saq­tap turý jóninde opera­sııa­ny júrgizý barysynda bólim­shelerdi basqarýda, ózara is-qımyldy uıymdastyrýda prak­­tıkalyq mashyqtaryn jetil­dirdi. 

Oqý-jattyǵýdyń erekshe­ligi, aýqymdy sharaǵa UQShU Ujym­dyq bitimgershilik kúsh­teriniń múddesinde avıasııalyq komponent, onyń ishinde, ushqyshsyz ushý apparattary, sondaı-aq psıhologııalyq kúres jáne aqparattyq qarsy kúres bólimsheleri tartyldy. 

Oqý-jattyǵý barysynda UQShU UBK polıseıler per­so­nalynyń is-qımyldaryn BUU Polısııa departamentiniń qoǵamdyq tártip jónindegi keńesshisi Djordjıo Djıaımo qadaǵalap otyrdy. Sondaı-aq oqý-jattyǵýǵa baqylaýshylar retinde Qazaqstan Respýb­lı­ka­­synda akkredıttelgen ás­kerı-dıplomatııalyq korpýs ókilderi, halyqaralyq jáne óńirlik uıymdardyń (BUU, QKHK), buqaralyq aqparat qu­ral­darynyń ókilderi qatysty. 

«Jyl saıyn ótkiziletin oqý-jattyǵýlar men jattyq­tyrýlarda ofıserler, serjanttar jáne sarbazdar jaqsy tájirıbe jınaqtaıdy, ózara is-qımyl máselelerin pysyqtaýǵa múmkindikteri bar. BUU-nyń ádistemeleri men standarttary boıynsha beıbitshilikti ustap turý jóninde zamanaýı keshendi operasııalardyń ótkizilýin es­kere otyryp, arnalym boıynsha is-qımyldarǵa Uıymnyń bitim­gershilik kúshterin daıyndaýdy jetildirý júrgizilýde.

Búgin biz «Myzǵymas baýyr­las­tyq-2017» oqý-jatty­ǵýy – bitimgershilik kontıngent­terimizdiń birlesken daıyn­dyǵynyń negizgi kezeńin aıaq­taımyz. Sizderge oqý-jattyǵý barysynda kórsetken joǵary kásibılikterińiz, tanytqan ynta-jigerlerińiz ben keremet mashyqtaryńyz úshin alǵys bildiremin», dedi Qorǵanys mınıstriniń birinshi orynbasary – QR QK Bas shtabynyń bastyǵy, general-leıtenant Murat Maıkeev. 

«Myzǵymas baýyr­las­tyq-2017» oqý-jatty­ǵýy «Jaýyngerlik baýyr­las­tyq-2017» jedel-strategııalyq oqý-jattyǵýynyń kezekti kezeńi bolyp tabylatynyn aıta ketý qajet. 2017 jylǵy 10-20 qarasha aralyǵynda Tájikstan Respýblıkasynyń aýmaǵynda UQShU Ujymdyq jedel den qoıý kúshteri kon­tın­gentteriniń tapsyrmalar­dy oryndaýy sheshýshi kezeń bolmaq.

Joldybaı BAZAR,
«Egemen Qazaqstan»