Qazaqstan • 25 Qazan, 2017

Astanada taýarlardyń taza salmaǵyn tekserý jumystary júrgizildi

Elordalyq tutynýshylarǵa satyp alatyn taýarlarynyń taza salmaǵy sáıkes emes ónimder faktisi kezdesken jaǵdaıda, zańnamaǵa sáıkes shara qoldaný úshin Tehnıkalyq retteý jáne metrologııa komıtetiniń Astana qalasy boıynsha departamentine shaǵymdanýǵa bolady.

Aıa О́MIRTAI

Tehnıkalyq retteý jáne metrologııa komıtetiniń Astana qalasy boıynsha departamenti Astana qalasynyń «Ásem» SÚ, «Kommýnaldyq bazar» JShS «Shapaǵat» SÚ, «Ajar» SÚ «Álem» SÚ jáne «Astanalyq» SÚ (Artem) sııaqty iri saýda ortalyqtarynmen birlesip qaptamada kórsetilgen taýardyń taza salmaǵyn tekserý maqsatynda «MRK 6200» metrologııalyq jumys komplektisinde daıyn ónimderdi baqylaý tarazysynda ólsheý túrindegi ólshem birligin qamtamasyz etý týraly QR zańnamasynyń saqtalýyna profılaktıkalyq jumys júrgizdi.

Is-sharanyń negizgi maqsaty «О́lshem birligin qamtamasyz etý týraly» Qazaqstan Respýblıkasy Zańynyń talaptaryn túsindirý jáne «Tutynýshylar úshin jadynama» taratý arqyly halyqqa profılaktıkalyq kómek kórsetý boldy. Iаǵnı, naryqta salmaǵy qaptamadaǵy kórsetkishke sáıkes emes ónimder bar ekendigi týraly tutynýshylardy qulaǵdar etý bolyp sanalady.

Tutynýshylar men satýshylarǵa jekeleı shyǵarylǵan nemese «ólshep salynǵan» ónimderdiń taza salmaǵy, olardyń negizgi kólemi saqtaý kezinde kishireıetindigi týraly aqparat kórsetpeýge jol beriletindigi túsindirildi.

О́zimiz biletindeı bazar – ol suranys pen usynys teń dárejede qanaǵattandyrylýy tıis zańnamalyq júıe. Tutynýshylardy aldaý taýar aınalymy men halyqqa qyzmet kórsetý salasynyń naryqtyq qatynasyn buzady.

Bul Zań, metrologııalyq qyzmet salasynda memlekettik basqarý organdary men jeke jáne zańdy tulǵalar arasyndaǵy qatynasty retteıdi jáne azamattar men Qazaqstan Respýblıkasynyń ekonomıkasyn teris ólshem nátıjelerinen qorǵaýǵa baǵyttalǵan.

Osyǵan oraı, tutynýshylarǵa taza salmaǵy sáıkes emes ónimder faktisi kezdesken jaǵdaıda, zańnamaǵa sáıkes shara qoldaný úshin turǵylyqty jeri boıynsha aýmaqtyq departamentterge habarlasýǵa bolatyny túsindirildi.

«Tehnıkalyq retteý jáne metrologııa komıtetiniń Astana, Almaty qalalary boıynsha jáne oblystyq Departamentteri Satý jáne ımporttaý kezindegi kez kelgen oram túrindegi ólshep oralǵan taýarlardyń sanyna baqylaý júrgizýge ýákiletti organ ekenin atap aıtqym keledi, — deıdi Tehnıkalyq retteý jáne metrologııa komıtetiniń Astana qalasy boıynsha departamentiniń bólim jetekshisi A, Qabylova.

Osyǵan oraı, komıtet tolyǵyraq aqparat alǵysy keletinderge Tehnıkalyq retteý jáne metrologııa komıtetiniń Astana qalasy boıynsha departamentine myna baılanys pen mekenjaıǵa: Astana qalasy, Máńgilik el dańǵyly, 11, tel.:750541,750542, email [email protected] habarlasýǵa bolatynyn nazarǵa beredi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz