M. Ergeshbaev 1966 jyly týǵan. Almaty halyq sharýashylyǵy ınstıtýtyn «aýyl sharýashylyǵyn josparlaý» jáne Qazaqstan Respýblıkasy Prezıdentiniń janyndaǵy Ulttyq joǵarǵy memlekettik basqarý mektebin «memlekettik basqarý» mamandyqtary boıynsha bitirgen.
Eńbek jolyn 1989 jyly Qyzylorda oblysy Jambyl keńsharynyń ekonomısti retinde bastaǵan.
1990-2008 jyldary Syrdarııa aýdandyq ónerkásip birlestiginiń bólim bastyǵy, «Álembank-Qazaqstan» aksıonerlik qoǵamy basqarma bastyǵynyń orynbasary, Qyzylorda oblysy ákimi orynbasarynyń keńesshisi, «Qazaqstan halyq banki» aksıonerlik qoǵamy Qyzylorda fılıalynyń dırektory, Qyzylorda oblystyq eńbek, halyqty jumyspen qamtý jáne áleýmettik qorǵaý basqarmasy bastyǵynyń orynbasary, Qyzylorda qalalyq qarjy bóliminiń bastyǵy, Qazaqstan Respýblıkasy tótenshe jaǵdaılar mınıstrliginiń «О́rt sóndirýshi» aksıonerlik qoǵamynyń vıse-prezıdenti.
2008-2017 jyldary Qyzylorda qalasynyń ákimi, Qyzylorda oblysy qarjy basqarmasynyń bastyǵy, Qarmaqshy jáne Shıeli aýdandarynyń ákimi, Qazaqstan Respýblıkasy Ulttyq ekonomıka mınıstrligi Tutynýshylardyń quqyqtaryn qorǵaý komıtetiniń Almaty qalasy boıynsha tutynýshylardyń quqyqtaryn qorǵaý departamenti basshysynyń orynbasary, «QazAgroО́nim» aksıonerlik qoǵamynyń basqarýshy dırektory – apparat basshysy qyzmetterin atqarǵan.
2017 jyldyń maýsym aıynan bastap Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy qyzmetin atqaryp keldi.
