Sýretti túsirgen: Gúlnáz Maqsutqyzy
Maqsaty – túrli konfessııalardyń dinı birlestikteri arasynda mádenı-rýhanı baılanystardy keńeıtý, dinı birlestikter múshelerin óńirdiń qoǵamdyq-mádenı ómirine belsendi tartý, qazaqstandyq qoǵamda toleranttylyq prınsıpterin nyǵaıtý.
Oblys din isteri basqarmasynyń basshysy Dáýlet Zákárııanov festıvalǵa qatysýshylardy quttyqtady. Festıvaldy Máshhúr Júsip ortalyq meshitiniń ókili Qýanysh Sharman Qasym Amanjoldyń «О́zim týraly» ánimen bastady. Oblys ortalyǵyndaǵy «Blagoveshensk Kafedraldy soborynyń» shákirtteri sahnalyq kórinis kórsetti. Ánshi Evgenııa Lysova saksofonda «Ty moıa nadejda» atty shyǵarmany oryndady. Al Nıkolaı Kosenkov «On tebıa jdıot» ánin shyrqady. Ertis aýdany «Erjan» meshitiniń ókili Serǵalı Rysjanov terme oryndap berdi. Aqsý qalasy Voskresensk hramy prıhodynyń ókilderi «Qazaqstan» jáne «Moe rodnoe Prıırtyshe» óleńderin oqysa, «Nadejda» shirkeýiniń qatysýshysy Elena Kan káris ánin oryndady.
Jalpy, shara barysynda túrli konfessııalardyń aýdan ortalyqtarynan, aýyldardan kelgen 16 shyǵarmashylyq ujymy óner kórsetti. Festıvaldiń konserttik baǵdarlamasy mazmundy jáne qyzyqty, konfessııalardyń ókilderi kelisimdi, dostyqty, toleranttylyqty óleń oqý, ánder men bıler oryndaý arqyly bildirdi. Uıymdastyrýshylar festıval barysynda qatysýshylardyń basqa mádenıettiń tilin túsinýi, úlken qurmetpen qaraýy Rýhanı kelisim men birlik úshin mańyzdy deıdi. Festıval sońynda qatysýshylarǵa Alǵys hattar men estelik syılyqtar tabys etildi.
Farıda BYQAI,
«Egemen Qazaqstan»
