О́ńir basshysynyń aıtýynsha, Elbasy Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda júktelgen jáne aımaq turǵyndarynyń ál-aýqatyn arttyrý baǵytyndaǵy tapsyrmalar oıdaǵydaı oryndalyp, qarqyndy ilgerileýge qol jetkizilgen. Oń dınamıka barlyq sektorlarda baıqalady.
«О́nerkásiptiń ósimi 4,3 paıyzdy qurasa, bıylǵy qarajat kólemi 700 mlrd teńgeden asady. Jetisý óńiri shyryndar men alkogolsiz sýsyndardyń negizgi óndirýshisi bolyp tabylady, bizde jylyna 1 mlrd lıtrge deıin ónim óndiredi. Indýstrııalandyrý kartasy aıasynda farmasevtıkanyń jańa salasy qurylǵanyn maqtanyshpen jetkizemin. 9 farmasevtıkalyq zaýyttyń óndiris kólemi esepti merzimde 2 eseden astam ósip, 13 mlrd teńgege deıin jetti. Sonymen qatar «Qaırat» ındýstrııalyq aımaǵynyń ınfraqurylymyn salý bastaldy. О́nerkásiptik aımaqtarda barlyǵy 17 kásiporyn jumys isteıdi», dedi Amandyq Ǵabbasuly.
Ákim ınvestısııa tartý maqsatynda jyl basynan beri 9 bıznes-kezdesý ótkenin, 7 eldiń óńirlerimen, kompanııalarymen memorandýmdar men kelisimder jasalǵanyn áńgimeledi. Investorlar, ásirese Qorǵas-Shyǵys qaqpasyna aıtarlyqtaı qyzyǵýshylyq tanytqan. Nátıjesinde, jalpy quny 644 mlrd teńge bolatyn 24 joba josparlanǵan eken. Jalǵasyp kele jatqan jumystardyń qorytyndysynan ınvestısııalardyń ósýin ańǵarý qıyn emes.
