Bul Elbasy Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» joldaýynda aıtylǵan «О́ńirlerdiń damýy-eldiń damýy» tapsyrmasyna sáıkes iske asyrylyp jatqan joba.
Uzyndyǵy 97 shaqyrymdy quraıtyn jol 2011 jyly paıdalanýǵa berilgen. Alaıda, birneshe qabattan turatyn avtojoldyń sońǵy qabaty, ıaǵnı asfalttaý jumystary bıyl qolǵa alynyp, oǵan 5 mlrd teńge bólinip otyr. Jobanyń rekonstrýksııalaý jumystary bastalyp, Mańǵystaý oblysy Qaraqııa aýdanynyń aýmaǵynda asfalt tóseldi.
-Memleket basshysy Nursultan Nazarbaev ózi atap ótkendeı otandyq týrızmdi damytý úshin aldymen logıstıka men ınfraqurylymdy jandandyrýymyz qajet. Búgingi «Ata joly» avtojolyn jańartýdaǵy negizgi maqsatymyz osy. Iаǵnı, sapaly jol salynsa, el-jurt keledi, tirshilik bastalady. Basqa da qyzmet kórsetý ortalyqtary boı kóterip, kóptegen kásipkerdiń tabys tabýyna jol ashylary anyq. Bul jol jaqsylyqqa bastaıtyn jol bolmaq, degen oblys ákimi Eraly Toǵjanov, jańartý jumystary Úkimettiń qoldaýy arqyly Mańǵystaý oblysy ákimdigi men QR Investısııalar jáne damý mınıstrligi birlesip atqaryp jatqan kóp isterdiń biri ǵana ekenin atap ótti.
Jobanyń jalpy quny 5,042 mlrd.teńgeni quraıdy. 97 shaqyrym joldyń 51 shaqyrymyn asfalttaýdy 2019 jyly aıaqtaý josparlanyp otyr.
«Ata joly» avtojoly óńirdegi týrıstik oryndarǵa, ıaǵnı Shopan-Ata, Oǵlandy jáne Beket-Ata zıratyna aparatyn jol. Bul oryndar Mańǵystaý óńiriniń ǵana emes, elimizdiń mádenı murasy sanalady jáne Qazaqstannyń qasıetti jerleriniń mádenı-geografııalyq beldeýin qurýǵa baǵyttalǵan «Kıeli meken» arnaıy jobasyna kiredi.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
Sýretke túsirgen Serik MAIEMEROV
