Astana bizdiń elimizdiń ınvestory ári ekonomıkalyq áriptesi qataryndaǵy AQSh-pen qatynastardy damytýǵa erekshe nazar aýdarady. Q.Toqaev bizdiń elimizdiń kópsalaly ózara is-qımylyn nyǵaıtýda prezıdentterdiń syndarly únqatysýlary mańyzy ról atqaratynyn atap ótti. Prezıdent N.Nazarbaevtyń AQSh-qa aldaǵy saparynyń erekshe máni bar. Parlament joǵarǵy Palatasynyń basshysy AQSh Kongresi men ózara is-qımyldy tereńdetý jáne parlamentaralyq yntymaqtastyq tetikterin nyǵaıtý jaıynda aıtty.
Saýda-ekonomıkalyq baılanystardy ulǵaıtý keleshegi týraly máseleni talqylaý barysynda Djekson-Venıktiń Qazaqstanǵa qatysty túzetýleriniń kúshin AQSh Kongresi joıýy qajettigi týraly ortaq pikirge keldi.
Q. Toqaev barlyq etnıkalyq jáne dinı toptardyń quqyqtary men zańdy múddelerin qorǵaýǵa baǵyttalǵan, bizdiń elimizde júzege asyrylǵan saıasat týraly amerıkalyq delegasııany habardar etti. Senat Tóraǵasy Álemdik jáne dástúrli dinder lıderleriniń barlyq bes Sezine ıýdaızm ókilderiniń belsendi qatysqanyn da atap ótti.
D. Rýbın beıbitshil syrtqy saıasat júrgizýdegi jáne BUU Qaýipsizdik Keńesindegi nátıjeli jumysy úshin Qazaqstanǵa alǵys aıtty. NCSEJ basshysynyń pikirinshe, Qazaqstan «etnıkalyq, dinı jáne mádenı bostandyqtar máselelerinde búkil álem úshin úlgi» bolyp otyr.
Áńgime barysynda ıadrolyq qarýsyzdaný, jahandyq jáne aımaqtyq qaýipsizdik máselelerindegi Qazaqstannyń bastamalary da talqylandy.
