«Balalar arasyndaǵy býllıng, tóbeles, álimjettik jáne ózge de osyndaı keleńsiz nárselerge basqarýshylyq turǵydan da, quqyqtyq turǵydan da baǵa berilýi tıis. Biraq, mundaı jaǵdaılar bolǵan kezde mekteptiń dırektoryn bosata berý, meniń oıymsha – qısynsyz. Oqý jylynyń ortasynda oqýshylar arasynda osyndaı jaǵdaı bolyp, biz dırektordy qyzmetten bosata beretin bolsaq, onda bizde mektep dırektory shaq kelmeıdi. Sondyqtan mundaı úlken problemaǵa jaýapkershilikti tek dırektordan emes, jalpy qoǵamnan, onyń ishinde mektep ákimshiliginen, ata-analardan, pedagogtardan, bilim berý basqarmalarynan, jáne ýákiletti organdardan da talap etýimiz kerek. Osylaısha, problemany júıeli túrde sheshýimiz qajet», dedi Juldyz Súleımenova.
Oqýshy synyptasyna balta ala júgirgen: mektep dırektory qyzmetinen bosatyldy
Oqý mınıstri osy ózekti másele boıynsha óńirlerde keshendi jumystar júrgizilip jatqanyn atap ótti.
«Búgingi tańda Oqý-aǵartý mınıstrliginiń aldynda osy oqýshylardyń arasyndaǵy, jasóspirimder arasyndaǵy quqyq buzýshylyqty meılinshe azaıtý, sonymen birge meılinshe býllıngtiń aldyn alý men joıýǵa baılanysty keshendi, júıeli sharalardy qabyldap kelemiz. Men ótken jyly Jambyl, Qyzylorda oblystaryna baryp, kúshtik organdarmen birlesip, prokýratýranyń qyzmetkerleriniń qatysýymen keleli keńes ótkizdim. О́tken aptada dál sondaı keńesti meniń orynbasarym Túrkistan oblysynda ótkizdi. Munyń bári jalpy Oqý-aǵartý mınıstrliginiń aldynda býlıng máselesin retteý búgingi tańdaǵy ózekti problema ekenin aıqyndaıdy», dedi mınıstr.
Qulsaryda mektepke baltamen kelgen 10-synyp oqýshysy qamaýǵa alyndy
Eske salaıyq, Qulsary qalasynda A.S. Pýshkın atyndaǵy №6 mektepte 10-synyp oqýshysy mektepte baltamen ózge oqýshylardy qýyp, qaýip tóndirgen bolatyn. Bul oqıǵadan soń qyzmettik tekserý júrgizilip, oqý ornynyń basshysyna qatań sógis berildi. Al kelesi kúni mektep dırektory qyzmetinen bosatyldy.
