– «Astana» eýrokýboktyq oıyndarda alǵash ret syrt alańda jeńiske jetip otyr. Osyndaı oıyndary arqyly elimizdiń fýtbolyn álemdik arenada maqtanyshpen kórsetip keledi. Osy týraly óz oıyńyzdy bildire ketseńiz.
– Barsha qazaqstandyq jankúıerlerimizdi quttyqtaımyn. Bul alǵashqy oıyndaǵy jeńisimizge keremet ústeme boldy. Sońǵy kezderi otandyq fýtbolymyz jıi synǵa ushyrap júrgen edi. Osyndaı jeńisimiz arqyly elimizde áli de ala dop oıyny bar ekenin dáleldeı bildik.
– Bul nátıjeni sensasııa dep esepteýge bola ma?
– Múmkin kútpegen nátıje tirkelgennen keıin solaı dep aıtýǵa da bolar. Biraq men «sensasııa» termınin paıdalanbas edim. Birinshiden «Astanada» Eýropada osal komanda bop eseptelmeıdi. Ekinshiden, munan da úlken jetistikter kútip turǵanyna senimdimin.
– Komandanyń toptyq kezeńnen shyǵý múmkindigin qalaı baǵalaısyz?
– Ázirge bul týraly aıtý erte. Múmkin qalǵan matchtardyń bireýinde jeńiske jeter bolsaq, pleı-offqa degen múmkindigimizdi arttyra túser. Alaıda bizdi aýyr oıyndar kútip turǵanyn esten shyǵarmaıyq. Jeńiske jetýimiz de ońaıǵa túspeıdi. Múmkindigimiz barda komanda baryn salatyn bolady. Toptan shyǵyp, jankúıerlerimizdi qýantqymyz keledi.
– Jeksenbi kúni «Aqjaıyqqa» qarsy mańyzdy kezdesý kútip tur. Búgingi aýyr oıynnan keıin Oral ujymyn jeńýge komandanyń kúshi jete me?
– Jeńýimiz mindet, odan ózge jolymyz joq. Onyń ústine búgin bapkerler alqasy komandaǵa rotasııa engizip, durys sheshim qabyldady. Qosalqy quramǵa Marın Anıchıchti, Roman Murtazaevty qaldyrdy. Sondaı-aq, jeksenbilik kezdesýge Srdjan Grahovas ta daıyn bolýy kerek. Sondyqtan «Aqjaıyqty» jetip, maýsymdy chempıon retinde aıaqtaımyz dep senemin. Taǵy da jankúıerlerimizdi quttyqtaı otyryp, 5 qarasha kúni ótetin oıynǵa shaqyramy. Biz sizderdiń qoldaýlaryńyzǵa muqtajbyz!
Almas MANAP,
«Egemen Qazaqstan» – Netanııadan (Izraıl)
