Otyrystyń kún tártibinde partııanyń 2017 jyldyń 10 aıynda elimizdiń saıası, ekonomıkalyq jáne rýhanı jańǵyrýy aıasynda atqarǵan jumysy, sonymen qatar «Nur Otan» partııasy Saıası keńesi bıýrosynyń quramyna ózgertýler engizý máselesi qaralýda.
Atap aıtsaq, Parlament Májilisindegi partııanyń fraksııalyq qyzmeti jetildirildi jáne partııalyq tártip nyǵaıtyldy. Depýtattar - partııa fraksııasynyń músheleri Májiliske kelip túsken 148 zań jobasynyń 131-in qaraý jónindegi jumys toptaryn basqardy. 8 zań jobasyna bastamashylyq jasaldy, olardyń tórteýi qabyldandy.
«Partııanyń Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýyn nasıhattaý boıynsha jumysyna barlyq partııalyq qurylymdar - bastaýysh partııa uıymdary, fraksııa depýtattary, konsýltatıvti-keńestik organdar men dıalog alańdary, ortalyqtaǵy ári jergilikti qoǵamdyq qabyldaý bólmeleri jumyldyryldy. Aqparattyq ilgeriletý men Joldaýdyń basty basymdyqtaryn iske asyrý partııalyq jobalardy júzege asyrý negizinde uıymdastyryldy. Jalpy alǵanda, 4 mln adamdy qamtyǵan 46,9 myń is-shara ótkizildi.
Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn aqparattyq ilgeriletý maqsatynda partııa barlyq resýrstar men aktıvterdi iske qosty, jastardy, sarapshylar men zııaly qaýymdy tarta otyryp, ártúrli «dıalog alańdarynda» jumys júrgizedi. Barlyq jerlerde 22,8 myń is-shara ótkizildi, olarda 1,5 mln adam qamtyldy. Belgili bolǵandaı, esepti kezeńde partııaǵa 190 myń ótinish kelip tústi, onyń ishinen 96 paıyzy oń sheshimin tapty, sondaı-aq konsýltasııalyq kómek kórsetildi.
«О́tinishterdi 100 paıyz qaraý qamtamasyz etilýde, hattardy qaraý merzimderi 8-10 kúnnen 1-5 kúnge deıin qysqartyldy. Búginde «Nur Otan» partııasynyń qatarynda 190 myń (29 jasqa deıingi) jas qazaqstandyq bar. «Jas Otan» qyzmeti 16 aımaqtyq jáne 208 qalalyq ári aýdandyq fılıal, kásiporyndardaǵy 230 bólimshe men JOO-daǵy 96 bólimshe arqyly júzege asyrylady. Jastardyń barlyq sanattaryn qamtıtyn 12 jastar jobalary iske asyrylyp jatyr. «Kokýrstyq irikteý negizinde aımaqtyq partııalyq kadrlyq rezerv qalyptastyryldy, oǵan 3 052 adam engizildi. Rezervshilerdiń naqty is-qımyldar jospary bekitildi. Rezervke qatysýshylarynyń 52 paıyzy máslıhattardyń depýtaty bolyp saılandy. Kelesi jyly Respýblıkalyq partııalyq kadrlyq rezervti qalyptastyrý jónindegi jumys bastalady.
Dınara Bitik,
"Egemen Qazaqstan"
