Úndistandyq kompanııanyń dırektory Goýdhama Býdhar Ramamýrtıdiń aıtýynsha, olar memleket-jekemenshik áriptestigi aıasynda Shyǵys Qazaqstandaǵy birneshe nysannyń qurylys jumystaryn júrgizýge yntaly. Onyń ishinde atap aıtqanda, О́skemen qalasyndaǵy Ertis ózeni arqyly ótetin (Vınogradov kóshesi men О́skemen-Tavrııa tas jolyn jalǵaıtyn) kópir, oblys ortalyǵyndaǵy 300 oryndyq kóp salaly aýrýhana men Semeı qalasyndaǵy 200 orynǵa shaqtalǵan aýrýhananyń jáne de joǵaryda aıtylǵan Buqtyrma kópiriniń qurylystary da bar. Bul maqsatqa Úndistannyń «Exim Bank» atty qarjy uıymynyń qarajaty jumsalmaq.
«Jalpy, «Shapoorji Pallonji» (Shapýrdjı Pallondjı) kompanııasynyń 150 jyldyq tarıhy bar jáne osy ýaqyt ishinde bizdiń kompanııaǵa qatysty birde-bir daý-damaı bolmaǵan. Búginge deıin bizdiń qurylysshylar álemniń 60-tan astam elindegi aýqymdy jobalardy júzege asyrýǵa qatysqan. Endi sizderdiń memleketterińizben, Shyǵys Qazaqstan oblysymen áriptes bolýǵa múddelimiz», deıdi sheteldik alpaýyt kompanııanyń elimizdegi resmı ókili Goýdhama Býdhar Ramamýrtı.
Kezdesý barysynda ol aımaq basshysyna Úndistan, Saýd Arabııasy, Birikken Arab Ámirlikteri, Shrı-Lanka sııaqty elderdegi sátti júzege asyrǵan jobalarymen tanystyrdy. «Búginde keıbir jobanyń tehnıkalyq-ekonomıkalyq negizdemesi men jobalaý-smetalyq qujattamasy ázir. Iаǵnı qurylys júrgizýge esh kedergi joq. Eger kompanııalaryńyz bul jobalarǵa qatysýǵa shyn máninde daıyn bolsa, onda sizderge óz tarapymyzdan qoldan kelgen kómekti kórsetetin bolamyz», dedi óz kezeginde oblys ákimi D.Ahmetov.
Kelissózder sońynda oblys ákimdigi men «Shapoorji Pallonji Kazakhstan» kompanııasy arasynda ózara yntymaqtastyq týraly memorandýmǵa qol qoıyldy.
Azamat QASYM,
«Egemen Qazaqstan»
Shyǵys Qazaqstan oblysy
