Osynaý taǵylymdy sheshimdi qoldaý maqsatynda bir top ońtústikqazaqstandyq zııalylar Elbasynyń atyna arnaıy hattar joldaýda. Solardyń birin Ońtústik Qazaqstan oblystyq Qazaqstan halqy Assambleıasy janyndaǵy Qoǵamdyq kelisim keńesiniń tóraǵasy Orynbaı Rahmanberdıev te joldady.
«Qurmetti asa mártebeli Nursultan Ábishuly, Siz ótken aptada qazaq mádenıeti men rýhanııaty úshin talaı ýaqyt-tan beri qoǵam talqysynda júrgen qazaq álipbıin latyn grafıkasyna kóshirý týraly taǵylymdy sheshim qabyldadyńyz. Kún tártibindegi máseleni ǵalymdarmen, sala mamandarymen aqyldasyp, kópshilik maquldaǵan jańa álipbıdi bekitip berdińiz», – deıdi óz hatynda Orynbaı Rahmanberdıev.
Dál osyndaı qoldaý hatyn IV, V shaqyrylymdaǵy Parlament Májilisiniń depýtaty Rozaqul Halmuradov ta jol-dapty. Onda: «Ǵalamdyq básekeniń táýekeldiligin durys paıymdap, qazaq tilin latyn grafıkasyna kóshirý jóninde tarıhı sheshim qabyldadyńyz. Bul baıtaq Qazaqstan úshin taǵdyrsheshti qadam boldy. Biz álipbıdi ǵana emes, qoǵamdyq sanany, jalpyǵa ortaq oılaý júıesin transformasııalaý boıynsha sheshim qabyldadyq», delingen.
Nursultan Nazarbaevtyń atyna oblystaǵy birqatar etno-mádenı birlestikterdiń de basshylary qoldaý hatyn jol-dady. Atalǵan hatta oblystyq grýzın etnomádenı birlestiginiń tóraǵasy Z.Bochorıshvılı, koreı etnomádenı orta-lyǵynyń tóraıymy R.Pak, tatar-bashqurt birlestiginiń basshysy A.Mýhamedova, grek etnomádenı birlestiginiń jetekshisi D.Sıdıropýlo, ıran etnomádenı birlestiginiń tóraǵasy N.Kapar-Pýr, kúrdi etnomádenı birlestiginiń basshysy A.Nadırov, uıǵyr etno birlestiginiń jetekshisi G.Temırova, tájik etnomádenı ortalyǵynyń basshysy Iý.Sýltanov, nemis etno birlestiginiń jetekshisi I.Bahman, túrik etnomádenı ortalyǵynyń basshysy L.Asanovtyń qoly qoıylǵan.
Elbasy Jarlyǵyna oraı M.Áýezov atyndaǵy Ońtústik Qazaqstan memlekettik ýnıversıtetiniń stýdent jastary «Latyn álipbıine kóshý – qazaq tiliniń halyqaralyq dárejege shyǵýyna jol ashady» degen arnaıy úndeý jarııalady. Onda: «Qazirgideı qýatty memlekette ómir súrip jatqan kezeńde biz halyq bolyp bul jazýdy qoldap alyp ketpesek, ór-kenıetti elderdiń qataryna ilese almaımyz» delingen.
«Egemen-aqparat»
