QR Premer-Mınıstri Baqytjan Saǵyntaev О́R Premer-Mınıstri Abdýlla Arıpovpen Qazaqstan men О́zbekstan prezıdentteri arasyndaǵy kelisimderdi iske asyrý máseleleri boıynsha kezdesý ótkizdi. Taraptar ekijaqty yntymaqtastyqty damytý, óńiraralyq ózara is-qımyldy, ásirese shekara mańy aýmaqtarynda kúsheıtý máselelerin talqylady.
«Taýar aınalymy kólemin ulǵaıtýǵa erekshe kóńil bólindi. Sondaı-aq, mashına jasaý jáne avtomobıl qurastyrý, azamattyq avıasııa, farmasevtıka salalarynda ınvestısııalyq ózara baılanysty keńeıtý, kólik-tranzıttik ınfraqurylymdy damytý sharalary, sonymen qatar áskerı-tehnıkalyq jáne aeroǵarysh salalaryndaǵy birlesken jumystardyń keleshegi qaraldy», delingen Premer-Mınıstrdiń baspasóz qyzmeti taratqan málimette.
