- Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda halqymyzdyń rýhanı ómirinde ulanǵaıyr jumystar atqarylyp jatyr, - dedi festıvaldiń ashylý saltanatyna qatysqan oblys ákimi Nurlan Noǵaev. -Alash ardagerleriniń kim ekendigin Álıhan Bókeıhanov, Ahmet Baıtursynov, Maǵjan Jumabaev, osy óńirden shyqqan Halel, Jansha Dosmuhamedovter týraly oqyp, eńbekterimen tanysqan adam biletini kámil. Olar jaıly aqıqat Muqaǵalı aıtqandaı, áli kúnge arhıvterde shań basyp jatyr. Sony anyqtaý, zertteý — jas urpaqtyń paryzy. Olar ata-baba qundylyqtaryn ıgerý úshin jaǵdaı týǵyzýymyz kerek. Máselen, búgingi óner festıvaliniń de basty maqsaty — osy. Urpaq sabaqtastyǵy osydan bastalsa kerek. Dástúrli ónerimizdi ózimiz bilip, túısinip, qurmettep qana qoımaı, ony nasıhattap otyrǵanymyz da jón. Búgingi festıval qatysýshylary — Alash arystarynyń rýhyn tiriltip, jas urpaq sanasyna quıýda úlken jumystar jasap júrgen óner qaıratkerleri.
О́ner merekesin Qazaqstan Respýblıkasynyń eńbek sińirgen qyzmetkeri, jyrshy-termeshi Qatımolla Berdiǵalıev halyq áni «Baıanaýylmen» bastady. Aıgúl Elshibaeva, Janǵalı Júzbaev, Qapash Qulysheva, Januzaq Isabaev, Elemes Maǵazov, Uljan Baıbosynova, Erkin Shúkimanov, Gúlmaıdan Súndetova, Amanqos Sadyqov, Erbol Aıtbaev, Ashat Orazov, Klara Tólenbaeva, Janargúl Sarkenova, Nurjan Janpeıisov, Rysty Súleımenova, Qonys Iýsýpov, Gúlmıra Sarına, Batyrjan Myqtybaev, Aqmaral Noǵaıbaeva, Erkin Áýbákirov, Aıgúl Qosanova, Jáken Omarov, Armat Islamǵalıev, Ázirbaı О́skinbaev, Qaırat Kákimov syndy dúldúlder Atyraý aspanyn án men kúıge bóledi.
Konserttik baǵdarlamany jyrshy, folklortanýshy Berik Júsip Alash arystary jaıly taǵylymdy áńgimemen órbitip otyrdy.
Baqytgúl BABASh,
«Egemen Qazaqstan».
ATYRAÝ.
