3 qarashada dári-dármekterdi satyp alý boıynsha tenderge qatysýǵa nıet bildirgen áleýetti ónim berýshilerdiń ótinimderin ashý rásimi ótti. Tender aıasynda turǵyndarǵa tegin berilýi tıis dári-dármekter men medbuıymdardyń 484 ustanymy kórsetildi. Bular vaksınalar, týberkýlezge qarsy preparattar, qant dıabeti, vırýsty gepatıt jáne basqa da áleýmettik mańyzy bar aýrýlardy emdeýge, ıaǵnı emi tegin medısınalyq kómektiń kepildendirilgen kólemine kiretin preparattar.
«SQ-Farmasııa» basqarma tóraǵasynyń mindetin atqarýshy Ásemgúl Erjanova satyp alynatyn dári-dármekterdiń kólemin medısınalyq uıymdardyń ózderi málimdegenin, al tegin dári-dármekpen qamtamasyz etý úshin dári-dármekter tizimin Densaýlyq saqtaý mınıstrligi bekitkendigin atap ótti.
«Biryńǵaı dıstrıbıýtordyń bul tizimine, árbir preparatqa shekti satyp alý baǵasy kórsetile otyryp, barlyǵy 1137 dárilik zattar men medısınalyq maqsattaǵy buıymdardyń ataýlary qosyldy. 2018 jylǵa aldyn ala berilgen ótinimder boıynsha barlyǵy 178 mlrd teńge kóleminde satyp alý josparlanǵan. Qazir tender jalpy somasy 82,4 mlrd teńgeni quraıtyn 489 ataýlarǵa jarııalandy», - dep túsindirdi Ásemgúl Erjanova. «Biryńǵaı dıstrıbıýtordyń tizimindegi qalǵan pozısııalar - bul ne qazirdiń ózinde otandyq farmasevtıkalyq óndirýshiler óndiretin, olarmen bizde uzaq merzimdi sharttar jasalǵan, ne Qazaqstanda analogy joq, olardan dári-dármekterdi tikeleı satyp alýdy josparlap otyrǵan sheteldik óndiristiń dárilik zattary», - dep tolyqtyrdy Ásemgúl Erjanova.
Endi Densaýlyq saqtaý mınıstrligi Farmasııa komıteti qyzmetkerleri, Biryńǵaı dıstrıbıýtordyń qyzmetkerleri jáne densaýlyq saqtaýdyń túrli salalarynyń sarapshylary quramyna kiretin tenderlik komıssııa 10 kún boıy áleýetti ónim berýshilerden kelip túsken tenderlik ótinimderdi zerttep, olardyń zańnama talaptaryna, al málimdelgen preparattardyń - tehnıkalyq erekshelik talaptaryna sáıkestigi tekseredi. Komıssııa óz eskertpelerin bildirgennen keıin, áleýetti ónim berýshilerdiń bes kún ishinde olardy joıýǵa múmkindikteri bar. Bul tenderlik prosedýralardyń ashyqtyǵyn qamtamasyz etedi. Tek osydan keıin ǵana áleýetti ónim berýshiler baǵany tómendetý aýksıonyna qatysýǵa múmkindik alady jáne onyń barysynda el aýrýhanalaryna tegin dári-dármek jetkizetin farmkompanııalar anyqtalady. Tenderge qatysý úshin barlyǵy 40 farmkompanııa ótinim berdi.
Úrdistiń ashyqtyǵyn qosymsha qamtamasyz etý maqsatynda tenderlik rásimderge qatysý úshin IIM, Bas prokýratýra, QR UQK, Esep komıteti, «Nur Otan» partııasy ókilderine shaqyrý jiberildi. QR IIM Medısınalyq uıymdarynyń jáne beıindi qaýymdastyqtardyń ókilderi rásimderge baqylaýshy retinde qatysýǵa kelisti. О́tinimderdi ashý rásimi «SQ-Farmasııa» JShS saıtynda jáne Feısbýk-akkaýntynda onlaın rejimde kórsetildi.
