Qazaqstan • 05 Qarasha, 2017

Astanada "Atatúrik fotokórmesi" ótedi

442 ret

kórsetildi

1 mın

oqý úshin

79 jyl buryn ómirden ozǵan Atatúrikti eske alý maqsatymen Iýnýs Emre atyndaǵy túrik mádenıet ortalyǵy 10 qarashada «Atatúrik fotokórmesi» atty sharany Túrkııanyń Qazaqstandaǵy elshiliginiń qoldaýymen L. N. Gýmılev atyndaǵy Eýrazııa ulttyq ýnıversıtetinde ótkizedi, dep habarlady ortalyqtyń baspasóz qyzmeti.

Egemen Qazaqstan

Kórmege qoıylatyn fotolar Atatúrik ózi negizin qalap ketken úlken eki uıymnyń biri «Túrik tarıh uıymynyń» arhıvinen alyndy. Astanalyqtar men qala qonaqtaryna kórmede tarıhı mańyzy zor 40 foto usynylady. Osy fotolardyń arasynda Qazaqstandyqtar buryn –sońdy kórmegen kóptegen sýretter bar.

Kórmeniń ashylý saltanatynda Túrkııanyń Qazaqstandaǵy elshisi Nevzat Ýıanyk myrza, Parlamentten ókilder, Iýnýs Emre atyndaǵy túrik mádenıet ortalyǵynyń m.a Almagúl Isına sóz sóıleıdi. Tanymal aıtys aqyny Ásem Jumaǵazına baýyrlas túrik halqynyń kósemine arnaǵan óleńin dombyrada oryndaıdy. Iýnýs Emre ortalyǵynda túrikshe úırenýshiler Atatúrik týraly qazaqsha jáne túrikshe óleńder oqysa, Albına Ábenova Atatúriktiń qaryndashpen salǵan portretin qurmetti qonaqtarǵa syılaıdy.