Senator Sársenbaı Eńsegenov memleket qurylysy jáne jergilikti ózin-ózi basqarý tájirıbesin zerdeleý jónindegi TMD PAA Turaqty komıssııasynyń quramynda «Memlekettik azamattyq jáne mýnısıpaldyq qyzmet týraly» jáne «Strategııalyq boljaý jáne josparlaý qujattary týraly» úlgi zań jobalaryn, sondaı-aq ornyqty damý salasyndaǵy qujattardy talqylaýǵa qatysty.
Depýtat Sergeı Plotnıkov qatysqan Ekonomıka jáne qarjy jónindegi turaqty komıssııa otyrysynda TMD memleketteriniń úlgi Salyq kodeksiniń tujyrymdamasy qaraldy. Komıssııa otyrysyna qatysýshylar TMD elderiniń jarııa-jeke áriptestigi salasyndaǵy saıasatyna taldaý jasap, «Injenerlik is týraly», «Injınırıng qyzmeti jáne ınjınırıng týraly» jáne «Baǵa qalyptastyrý týraly» úlgi zań jobalarynyń tujyrymdamalarymen tanysty.
TMD PAA Agrarlyq saıasat, tabıǵı resýrstar jáne ekologııa jónindegi turaqty komıssııasynyń otyrysyna Qazaqstan Parlamenti joǵarǵy Palatasynyń atynan senator Ańsar Musahanov qatysty. Depýtattar «Ekologııalyq zııan baǵasy týraly» jáne «Ekologııalyq týrızm týraly» úlgi zań jobalarynyń tujyrymdamasyn, sondaı-aq Ekologııalyq qaýipsizdiktiń ulttyq ortalyqtaryn uıymdastyrý jónindegi usynystar tujyrymdamasy men Ekologııalyq saıasatty qalyptastyrý jónindegi usynystar tujyrymdamasynyń jobalaryn talqylady.
TMD PAA shtab-páterinde TMD PAA janyndaǵy densaýlyq saqtaý jónindegi sarapshylar keńesiniń otyrysy, AQTQ/JQTB jáne TMD memleketterindegi kóshi-qon salasyndaǵy zańnamasyna sholý ázirleý jónindegi jumys tobynyń, memleket qurylysy jáne jergilikti ózin-ózi basqarý salasyndaǵy zańnamalyq aktiler daıyndaý barysynda paıdalanatyn termınderinen quralǵan Zań sózdigin ázirleý jónindegi jumys tobynyń otyrysy boldy.
