Arnaıy qurylǵan daǵdarys ortalyǵy tabıǵat apatynan ásirese Irannyń batysyndaǵy Kermanshah jáne Ilam provınsııalary japa shekkenin málimdedi.
Jarty aı qoǵamynyń jergilikti ókildigi apat bolǵan aımaqtarda izdeý jáne qutqarý jumystaryn qolǵa aldy. Munda qutqarýshylardyń qosymsha kúshteri jiberildi. Tabıǵat apatynan zardap shekkenderdi azyq-túlikpen, jyly kıimdermen jáne otynmen qamtamasyz etý úshin arnaıy dalalyq gospıtaldar uıymdastyryldy.
Munaı-gaz ınfraqurylymyn qosa alǵanda strategııalyq nysandarǵa zaqym kelmegen. Aýyr jaraqat alǵandardy Tegeranǵa jóneltý úshin 20 áskerı tikushaq daıyndaldy. Úılerin tastap shyqqan jergilikti turǵyndar jerasty dúmpýleri qaıtalanýy múmkin degen úreımen kóshede túnep júr.
