Bul týraly keńeıtilgen májiliste oblystyq mádenıet, arhıvter jáne qujattama basqarmasynyń basshysy Ardaq Raıymbekov aıtty.
«О́ńirde «Qazaqstannyń sakraldy geografııasy» arnaıy jobasyn júzege asyrýǵa basa nazar aýdarylady. Qazirgi ýaqytta munda 78 sakraldy oryn anyqtalǵan. Onyń 73-i oblystyq jáne beseýi respýblıkalyq tizilimge engizilgen. Árbir nysan men orynǵa tolyq ańdatpa jazý boıynsha jumys júrigizilýde», - deıdi Ardaq Raıymbekov.
Olardyń qatarynda Baıanaýyl aýdanyndaǵy Máshhúr Júsip, Sultanmahmut Toraıǵyrov keseneleri, Kempirtas jáne Qońyr áýlıe syndy tarıhı oryndar bar. Al Sharbaqty aýdanynan Ǵabdýl Ýahıt haziret kesenesi, Ekibastuz qalasynan Isabek Ishan kesenesi sol tizimniń qatarynan oryn alǵan.
