Sońǵy ret 1982 jyly Álemdik dodaǵa qatysqan Perý araǵa 36 jyl salyp jahandyq jarysqa qaıta oraldy. О́tpeli matchta olar Jańa Zelandııa komandasyn óz alańynda 2:0 esebimen jeńdi. 16-qarasha kúni Perýde demalys dep jarııalandy. Memleket basshysy "Eger ulttyq qurama Álem chempıonatyna joldama alsa, sol kúni kúlli halyqqa demalys jarııalanady" dep ýáde bergen edi. Aıta keteıik, týra osyndaı jarlyq Panama elinde de oryn aldy.
Osy eldiń ulttyq quramasy Álem chempıonatyna tarıhynda tuńǵysh ret shyǵyp otyr. Bul eldi qazir álemdik fýtboldyń sholýshylary "baǵy bar komanda" dep aıtyp júr. Sebebi, AQSh quramasy óz alańynda Trınıdad ujymynan jeńilip, panamalyqtar Kosta-Rıka quramasyn jeńip ketti. Negizi ol oıynda Kosta-Rıka birinshi bolyp gol soǵyp, alǵa shyqty. Alaıda, 57-mınýtta alań ıeleri tarazy basyn teńestirdi. Al oıynnyń 88-mınýtynda Roman Torres tarıhı goldyń avtory atanyp, Panamany tuńǵysh ret Álem chempıonatyna alyp shyqty. Roman Torres qazir Panamada halyq qaharmany degen ataqqa ıe. Tipti, Araaııan qalasyndaǵy stadıonǵa Roman Torres esimi de berildi.
Panama quramasynyń oıynshysy - Roman Torres
Sonymen, keler jyly Reseıde ótetin Álem chempıonatynyń 32 komandasy anyqtaldy. FIFA olardy reıtıngterine sáıkes 4 sebetke bóldi. Ár sebettiń komandalary bir-birine top ishinde qarsylas atanbaıdy. Iаǵnı jerebe tartý kezinde ár sebetten bir komandadan alynady. Sonymen qatar, bir topta eýropalyq komandalar sany ekeýden aspaýy tıis. Boljam boıynsha "ólim tobyna" - Fransııa (7), Ýrýgvaı (17), Senegal (32), Serbııa (38) quramalary túsýi múmkin. Esterińizge sala ketsek, jerebe tartý rássimi 1-jeltoqsan kúni Máskeýdegi Kremlde ótedi.
Ermuhamed Máýlen
